1. SALTARATICA, Saltaria, Merces, vel emolumentum a dominis præstitum saltuariis, qui invigilabant ne agri vastarentur aut furtis paterent. Stat. Bonon. ann. 1250-67, tom. III. pag. 136 :

Statuimus quod liceat cuilibet terre episcopatus bon., que per se facit publicas factiones, custodire per suos saltuarios sue terre laboreria sua et possessiones, et suis saltuariis solvere Saltaraticam (Saltariam Codd. '52, '60) tantum teneantur si habeant curiam per se, alioquin solvant Saltaraticam illis saltuariis in cujus curia sive guardia sunt possessiones

 ; - et tom. III. pag. 138 :

Item statuimus quod nullus saltuarius vel aliquis pro eo accipiat plus Saltaraticam alicui alii quam illis de curia illa, in qua est saltuarius, etc.

Fr.