« »
 
SALUTATIO 1, SALUTATIO 2, SALUTATIO 3, SALUTATIO 4.
[]« 1 salutatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 294c. http://ducange.enc.sorbonne.fr/SALUTATIO1
1. SALUTATIO. Capitulare Aitonis Episc. Basil. cap. 3 :
Ut ad Salutationes sacerdotales congruæ responsiones discantur, ubi non solum Clerici et Deo dicatæ Sacerdoti responsionem offerant, sed omnis plebs devota consona voce respondere debet.
Concilium Wormatiense ann. 868. cap. 69 :
Lectores populum non Salutent.
In Synodo Ticinensi ann. 850. cap. 12. vetantur Pœnitentes publice vacare Salutationibus.
les Bénédictins de St. Maur, 1733–1736.
◊ Dubium nemini est hac voce significari verba, Dominus vobiscum, quibus Sacerdos in sacris Liturgiis populum salutat. Idem apertius docet Ceremoniale MS. B. M. Deauratæ Tolos. ubi de Missa Sabbati Quatuor temporum, cujus prima oratio absque Dominus vobiscum dici solet :
Primo dicitur officium (i. e. Introitus) ut moris est, et Kyrie eleison [], deinde dicitur oratio sine salutatione ; et post dicitur lectio prima per puerum
. Ibidem ubi de die Parasceves :
Post tractum dicitur oratio, scilicet Deus a quo et Judas, quæ absolute dicitur et sine Salutatione et cum Flectamus.
Consule Rerum Liturgic. Scriptores.
© École des chartes.
[]« 2 salutatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 295a. http://ducange.enc.sorbonne.fr/SALUTATIO2
2. SALUTATIO. Salutationem vocabant Litteras, quibus Episcopo præsentabatur qui in aliquod beneficium electus fuerat ab iis qui jure patronatus gaudebant. Eodem nomine nuncupabantur Litteræ, quibus qui alterius procurator constituebatur. Harum Litterarum formulæ exstant in Chartulario Meldensi sub hoc titulo :
De Salutatione Abbatissæ Faremonasterii.
© École des chartes.
[]« 3 salutatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 295a. http://ducange.enc.sorbonne.fr/SALUTATIO3
3. SALUTATIO, Munus, donum. Ambros. Autpertus lib. de Cupiditate, apud Marten. tom. 9. Ampl. Collect. col. 226 :
Solent quoque hi muneris ipsius nomen immutare, et dicunt se non munus accepisse, sed Salutationem, quos utique nescio utrum magis stultos, an versutos appellem.
Vide Salutes post Salus 4. et Salutaticum.
© École des chartes.
[]« 4 salutatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 295a. http://ducange.enc.sorbonne.fr/SALUTATIO4
4. SALUTATIO, Adoratio, Duplex salutandi ratio Albigensibus usitata, apud quos Salutatio, Credentium, ut aiebant, erat ; Adoratio, nondum Credentium. Hæc pluribus variisque in locis describit Limborchius in Histor. Inquisit. Tolos. ac præsertim pag. 54 :
Item quando heretici de novo veniebant, vel quando recedebant ab eo, Salutabat eos modo hereticali abstracto capucio, scilicet amplexando et tenendo manus super brachia heretici, vertendo et inclinando caput ter, nunc ad dexteram, nunc ad sinistram heretici, et dicendo ter Benedicite.
Et pag. 61 :
Adoravit eum flexis genibus, junctis manibus inclinando se ter super unam bancham coram eo et dicendo, etc.
Respondebat hæreticus, Benedicat vos Christus et nos ; quibus subjungebant discipuli, Bone Christiane rogate quod perducat nos ad bonum finem.
© École des chartes.