« »
 
[]« Salvagardia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 289b. http://ducange.enc.sorbonne.fr/SALVAGARDIA
SALVAGARDIA, Salvaguardia, Protectio, tutela, salvus conductus, Principis privilegium, quo ne alicui vis inferatur, cavetur. Charta Caroli Regentis ann. 1358. tom. 3. Ordinat. Reg. Franc. pag. 318 :
Sub protectione et speciali Salvagardia regia et nostra,.... suscipimus per presentes, etc.
Charta ann. 1376. ex Tabul. Massil. :
Reliquiaria sacri monasterii S. Victoris cum debita reverena (reverentia) valeant custodire sub Salvagardia civitatis prædictæ Massiliæ.
Vinc. Cigaltius de Bello Ital. :
Infringens Salvamgardiam Regis acriter puniendus.
Chron. Johan. Iperii apud Marten. tom. 3. Anecd. col. 615 :
Ipse Calixtus huic Ecclesiæ (S. Bertini) dedit privilegia duo, primum quod nos in Sedis Apostolicæ tutela, id est, Salvagardia recepit.
Regestum Brevium original. Angl. pag. 26 :
Nos volentes dictos.... ab oppressionibus indebitis præservare, suscepimus ipsos,.... res, et justas possessiones, et bona sua quæcumque in protectionem et Salvamguardiam nostram specialem, etc.
Vide Salvus-conductus.
les Bénédictins de St. Maur, 1733–1736.
Salvigardia, Eadem notione. Diploma Ruperti senioris Comit. Palat. [] pro Universit. Heidelperg. ann. 1386. apud Tolner. inter Instr. Hist. Palat. pag. 124 :
Patefacimus per præsentes, quod nos et singulos magistros et scholares, præsentes et futuros,.... in nostra et successorum nostrorum custodia speciali, salvo conductu et Salvigardia recepimus.
Lettres de Salvage dicuntur Litteræ quibus Rex, vel quivis alius in suam Salvamgardiam seu tutelam aliquem accipit. Vide Consuet. Melodun. art. 3. Senonensem art. 13. 173. et seqq. Pontiv. art. 163. etc.
© École des chartes.