SAMATHA, rectius Schamatha vel Schammata, Excommunicationis gravissimæ species apud Judæos, qua quis a communione excluditur sine spe reditus. Arest. ann. 1374. 3. Febr. in vol. 6. arestor. parlam. Paris. :

Dictus vero Viventius eundem Columbum ulterius de facto posuisset in Samatha et herem ; quæ dicta seu sententiæ de Samatha et herem contra dictum Columbum latæ, maledictionem aut condemnationem significabant, ut dicebant... Nostra curia inhibet expresse... Judæis omnibus,... ne ipsi de cætero in regno nostro Franciæ utantur dictis sententiis seu pronuntiationibus de niduy, Samatha et de herem inter eos.

Consule Buxtorf. Lexic. Chald. et Thalm. pag. 2463. et seqq.