« »
 
[]« 1 sarcia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 309a. http://ducange.enc.sorbonne.fr/SARCIA1
1. SARCIA. Glossæ Græco-Barbaræ : ἀϰροστόλια, τὰ ἄϰρα τῆς νηός, τὰ ξάρτια. Conventiones inter Michaelem Imp. et Genuenses ann. 1261. editæ post Wil-Iharduinum :
Et Commune Januæ teneatur debito dictis galeis apparare bene et integre de totis Sarciis earum et apparatu.
Ubi versio Gallica vetus habet, de toutes Sarchies. Informat. pro passagio transmarino ex Cod. MS. Sangerm. :
Et costabit quodlibet vysserium munitum omnibus Sarciis et apparatu seu corredis, m. cc. lib.
Nautæ nostri agreils, et sarties, armamenta, quæ navis causa parantur, vocant, Itali Sarti, Hispani Xarcia, vel jarcia, armas y aparejos ; ἐξάρτυσιν Græci recentiores : de qua voce nos in Constantinopoli Christiana.
les Bénédictins de St. Maur, 1733–1736.
◊ Eodem nomine significatur funalis navium apparatus, nostris Cordages. Ogerius Panis in Annal. Genuens. ad ann. 1216. apud Murator. tom. 6. col. 410 :
Et alias veteres galeas reparare fecerunt de lignamine et Sartia et ceteris omnibus necessariis.
Statuta Massil. lib. 3. cap. 16. cujus titulus sic concipitur :
De Sarcia non facienda nisi de canabo femello.
Vide Exarcia et Sarco.
les Bénédictins de St. Maur, 1733–1736.
◊ Sed et ipsum rudens seu funis nauticus, quo naves religantur, vulgo Cable, amarre, Sarcia interdum nuncupatur. Ogerius Panis supra laudatus col. 415 :
Visa galea, Vintimilienses, abscissa Sarcia, dimiserunt, etc.
Bartholomæus Scriba in Annal. Genuens. ad ann. 1242. apud eumdem Murator. ibid. col. 500 :
Nocte illa steterunt ad anchoras ; et quum anchoræ vel Sartia eas (galeas) tenere non possent, iverunt ad litus Arenzani.
Vide Sarcus.
© École des chartes.