SARICA, Sareca, Tunicæ species : unde hodieque Sariga Romæ dicitur vilis semitunica linea ac rudis, quam aliis vestibus, ut iis in opere parcant, superinduunt operarii, ut notant Macri in Hierolex. Vetus Chartula plenariæ securitatis scripta sub Justiniano, apud Brisson. lib. 6. formul. tab. 2. lin. 20. :

Camisia tramosirica in cocco et prasino valente solidos tres semis, Sarica prasina ornata valente solido uno et semisse uno, arca clave clausa valente siliquas duas, Sareca misticia cum manicas curtas valente siliquas aureas duas, bracas lineas, etc.

Infra lin. 27 :

Sareca una vetere tincticia valente siliquas aureas tres, camisia ornata valente, etc.

Leo Ostiensis lib. 1. cap. 28 :

Abstulit de S. Benedicto Saricam sericam de Silfori cum auro et gemmis.

Ubi ignotus Casinensis cap. 10 :

Sericamque sericam de filfori, etc.

Vide Salmas. ad Spartian. in Caracalla cap. 9. et supra Saraca. Vide infra Serica.