SCABOLARIUS. Charta concordiæ inter Abbatem et Sacristam Crassenses ann. 1381. ex Tabul. ejusd. Monast. :

Dictus sacrista debet et consuevit recipere ab eodem dom. Abbate qualibet die in refectorio panem et vinum pro uno Scabolario.

Sic vocant Crassenses, ut nobis renuntiatum est, eum qui æri campano argute pulsando præest, Gall. Carilloneur : vocis origine ducta a Scaba, fossa, quod Scabolarii etiam sit fossorem agere, ubi aliquis e vivis excessit. Non a Scaba, fossa ; sed a Scoba, quod ejusdem sit campanas pulsare et ecclesiam scobis seu scopis purgare. Vide Escobolerius et Scobolerius.