« »
 
[]« 1 scalia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 329b. http://ducange.enc.sorbonne.fr/SCALIA1
1. SCALIA, Scaliare, voces Fori Aragonici. Fori Aragonenses lib. 3. ex Foris Oscensibus ann. 1247. tit. de Scaliis :
De Scaliis factis in heremo, sive in monte, si quis signaverit locum, et arando prosecutus fuerit, valeat sibi quantum araverit, etc.
Lib. 7. tit. de Expeditione infantionum :
Item in compensatione eorum quæ superius continentur, et debent infantiones Regi facere, conceditur infantionibus sarcire, quod vulgo dicitur Scaliare, in villis regalibus, civitatibus, sive castris, et in pertinentiis et terminis eorundem, et emere ab hominibus regalis servitii, sive signi.
Infra :
In illis tamen locis vel villis infantionem tantum posse Scaliare intellige, unde est vicinus ; nam ubi vicinus non est, liceat ibi emere sub forma prædicta, Scaliare tamen nullatenus permittitur.
Observantiæ lib. 6. de Privileg. Militum § 15 :
Possunt et Scaliare in villis regalibus ubi sint vicini.
Lib. 9. de Salva infantionum § 8 :
In terra infantionum, Militum, vel aliorum dominorum, præterquam Regis, pro Scaliis novis, vel novalibus debet infantio peitare,[] et pro antiquis non.
Vide Foros Aragon. lib. 4. fol. 85. v. edit. 1624. Vide Scalis.
les Bénédictins de St. Maur, 1733–1736.
◊ Haud scio an Scalia ibi idem sit quod Esclesche dicitur in Consuet. Insulensi art. 79. Fief Escliché, et Esclischement, in Tornac. tit. de feudis art. 8. quod distractum, divisum sonat : adeo ut Scalia pars sit et portio feodi vel cujusvis hæreditatis, quam obtinere Infantionibus certis conditionibus concessum erat.
© École des chartes.