« »
 
[]« Scarpsus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 340c. http://ducange.enc.sorbonne.fr/SCARPSUS
SCARPSUS, Excerptus. Concilium Turonense II. can. 21 :
Placuit etiam de voluminibus librorum pauca perstringere, et Canonibus inserere, ut Scarpsa lectio de aliis in unum recitetur ad populum.
Sic enim præfert Codex Bellovac. ut monet Sirmondus, ubi alii excepta. Ita alibi Collectio Andegavensis :
Scarpsum de Epistola Leonis ad Rusticum.
Atque sic forte legendum in Testamento Heccardi Comitis Augustodun. in Tabulario Persiacensi in Burgund. :
Una buxta eburnea minore, et libro pastorale uno, Canones, Scarsus quartenio uno, etc.
Ubi Scarsus idem valet ac excerptorum. Hinc etiam emendandus titulus libelli Abbatis Pirminii :
De singulis libris Canonicis Scarapsus,
leg. Scarpsus. Abbreviator libri Macrobii de Differentia et Societ. Græc. Latinique sermonis :
Explicit defloratio de libro Ambrosii Macrobii Theodosii, [] quam Johannes carpserat ad discendas Græcorum verborum regulas.
Qui quidem Joannes fortasse fuerit, quem Erigenam, seu Scotum vocant. Vide Excarpsus.
© École des chartes.