SCHOLARITAS, Studium, Scholarium jus et privilegium, vulgo Scholarité. Litteræ Philippi VI. Reg. Fr. in gratiam Universit. Paris. ann. 1340. tom. 2. Ordinat. pag. 155 :

Concedimus.... ne quisquam laicus.... præfatos Magistros et Scholares,.... de quorum Scholaritate constabit, per proprium juramentum, in persona, familia.... inquirant, etc.

Statuta Eccl. Meld. ann. 1365. apud Marten. tom. 4. Anecd. col. 927 :

Cum per sacros canones sine licentia prælati a cura non liceat quemquam recedere, inquirat (decanus) de causa non residentiæ, ut videat litteras Scholaritatis, aut aliam dispensationem, si quam habeat, et scribat in visitationis rotulo.

Charta fundat. Capellæ Vicenarum ann. 1387. tom. 3. Hist. Paris. Lobinelli pag. 190 :

Nec etiam privilegio in favorem studii et Scholaritatis, aut aliter concesso vel concedendo sub quavis forma verborum utentur.

Consuet. Univers. Paris. per Robert. Goulet fol. 7 :

Discutio fit..... de pergameno, de papiro, libris, scripturis, religationibus, illuminationibus, et ceteris hujusmodi ad Scholaritatem pertinentibus.

Charta ann. 1399. ex Tabul. B. M. de Bono-Nuntio Rotomag. :

Jehan de Bouquetot estant à cause de son estude et Scholarité.... en la protection et sauvegarde du Roy, etc. Escolarge,

eadem notione, in Statuto Caroli Johannis Reg. Franc. primog. ann. 1356. tom. 3. Ordinat. pag. 135.