SCORTA 1, Glossarium mediae et infimae latinitatis, Du Cange et al.

« 1 scorta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 363b. http://ducange.enc.sorbonne.fr/SCORTA1

1. SCORTA, Militum præsidium, comitatus, Gall. Escorte. Litteræ Richardi II. Reg. Angl. ann. 1398. apud Rymer. tom. 8. pag. 48 :

Quin potius, si egeant, eis in eorum agendis, ministrare dignemini consilium, auxilium, et favorem ac Scortam, salvumque et securum conductum, per passus, loca, etc.

Charta ann. 1440. ex Bibl. reg. :

Sibique de Salvis conductibus, guidis, Scortis, et aliis necessariis, si petierit, moderatis sumptibus benevole providere

(velint.) Charta Caroli VII. Reg. Franc. ann. 1450. tom. 7. Spicil. Acher. :

Providentes sibi sumptibus eorum moderatis de salvo conductu, Scorta, hospitiis, victualiis, etc.

Rolandini Patav. Chron. apud Murator. tom. 8. col. 242 :

Data est ei Scorta et commeatus, donec ipse cum tota sua gente, cum armis et rebus suis securus ivit quo voluit.

Chron. Petri Azarii apud eumdem tom. 16. col. 393 :

Cogitavit dare Scortam cum victualibus.

Adde tom. 19. ejusd. col. 767. Bullar. Carmelit. part. 2. pag. 401. col. 2. Marten. tom. 2. Ampl. Collect. col. 1546. etc. Vide Scortum 1.

P. Carpentier, 1766.

Scortam Facere, Italis, Far la Scorta, Ducere, præsidium præstare, Gall. Escorter. Charta ann. 1370. apud Murator. tom. 2. Antiq. Ital. med. ævi col. 536 :

Promiserunt quoque præfati milites et scutiferi..... facere suprascriptas monstras, Scortas et cavalcatas ac custodias.