SCULTEDUM, Idem quod Schuld Teutonibus, Culpa, peccatum, noxa, reatus. Charta Caroli Comitis Flandriæ ann. 1125. in Tabulario Monasterii S. Bertini :

Dicente eodem Theinardo, quia de placitis, quæ ad Scultedum pertinent, non deberet placitari ad viscarnam Abbatis, neque per scabinos inde judicari.

Infra :

Utrorumque causas in judicio Baronum meorum posui, qui eidem Theinardo successoribusque ipsius foris judicaverunt, quidquid occasione Scultedum in illo Comitatu usurpare contendebat : hoc etiam judicantes prædicti Barones, ut de hospitibus ac submanentibus, et de ipso Comitatu nullus unquam placitaret, nisi viscarnam Abbatis et per scabinos ejus, et nomine tenus de Scultedum, id est, de furibus, de furtis, et latrociniis, ac prorsus de omni lege et forisfactura tam maxima quam infima.

Alia Charta Theodorici Comitis Flandriæ ann. 1147. ibidem :

Judicio Baronum determinaverat, ut scilicet Sanctus proprios scabinos haberet, per quos de Scultedum, id est, de furibus, de latrociniis, ac prorsus de omni lege et forisfactura tam maxima quam infima placitaret.