SECUNDINÆ, quæ Secundæ dicuntur Plinio, Columellæ, Apuleio, Sexto Platoni, et aliis, δευτέριον, Paulo Ægin. lib. 6. cap. 75. Membranæ, quæ fœtum sequuntur. Auctor Mamotrecti ad 28. Deuteron. :

Secundina est folliculus, quo puer involvitur in utero, et sequitur nascentem.

Editio recentior Bibliorum habet illuviæ secundarum. Arnoldus Abbas Bonæ-vallis de Operibus sex dierum :

Cum ruptis intrinsecus naturalibus vinculis profluunt Secundinæ, vagiente fœtu, vere miseriæ tractatur negotium.

Habetur passim apud Medicos. Vide Constantinum Afric. lib. 6. de Morbor. curat. cap. 16. 17. lib. 2. Pantechn. cap. 15. lib. 3. cap. 13.