« »
 
[]« Secures danicæ » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 392b. http://ducange.enc.sorbonne.fr/SECURES
SECURES Danicæ, quibus Dani utebantur, et quas in humero sinistro deferebant, ut habet Willelmus Malmesburiensis lib. 2. de Gestis Anglor. cap. 12. et ex eo Rogerus Hovedenus pag. 439 :
Securim Danicam in humero sinistro, hastile ferreum dextra manu gestantes.
 :
Et portent glaives, et espies Poitevins,
Hasches Danoisos pour lancier et ferir.
MS. :
De gran hasches Danoises i ont mainte colée.
Chronicon Flandriæ cap. 9 :
La saillit le Roy avant, une hasche Danoise en son poing, et cria Guyenne au Roy d'Angleterre.
◊ A Danis ejusmodi secures accepere Angli et Scoti : unde Anglicas vocat idem Malmesburiensis lib. 3. pag. 98.
Secures Scoticæ
, quæ et Secures bisacutæ apud Thomam Walsingham. pag. 105. Quæ quidem secures longioribus manubriis instructæ erant. Guill. Guiart ann. 1304 :
De hasches tranchans à lons manches,
Forgiées come besaguës,
D'espées, de lances aguës.
Chronicon Bertrandi Guesclini MS. :
D'une hasche à deus mains donna telle collée.
Catholicon Armoricorum :
Hachedenes, Gall. Hache Danoise ; Lat. bipennis.
Has auro gemmisque adornatas gestabant, præsertim proceres. Sueno in Legib. Castrensib. cap. 2. de Canuto Magno Rege Daniæ :
Proclamari jussit solos illos Regis clementiam experturos, arctiorisque familiaritatis privilegio præ aliis fruituros, qui in Regis honorem catervæque militaris decorem bipennibus, mucronumque capulis deauratis coruscarent. Cedit enim honori Principis, si eum cœtus militaris corona, fulgentibus insignis armis undique secus comitetur.
Dudo lib. 1. de Morib. Normannor. pag. 65 :
Gemmis auroque politos Secures ensesque exponite.
Has vulgo Hallebardas vocant, voce a Germanis ducta, quibus hall, vel heall, est Palatium, aula, et bard, bipennis, quasi aulicas lanceas, vel bipennes. Ita Loccenius lib. 3. Antiq. Suecic. cap. 2. Aliter Grimm. Gramm. German. tom. 3. pag. 442. Vide quæ de ejusmodi securibus diximus ad Alexiadem pag. 257. 258. et in Glossar. med. Græcit. voce Σϰῆπτρον, col. 1388. Adde librum inscriptum
Historich - Antiquarische Mittheilungen der Gesellschaft für nordische Alterthumskunde
ann. 1835. pag. 77. Sed et secures propria Gallorum fuisse arma, observare est ex Ammiano lib. 19. pag. 140. et Agathia lib. 2. pag. 36. 1. edit. ut et Francorum, ex Procopio lib. 2. Goth.
les Bénédictins de St. Maur, 1733–1736.
Securis Transversa, in Leg. Bajwar. tit. 21. § 8.
Securim Saiga valentem jactare, in Lege Bajwar. tit. 11. cap. 6. § 2. et tit. 16. cap. 1. § 2. quod faciebat is, qui alium [] in suo agro ædificare prohibere volebat, donec contentio legali judicio determinata fuisset : quo ritu agrum sibi ipse vindicabat.
les Bénédictins de St. Maur, 1733–1736.
Securicularius, Qui secures fert. Gl. Isid. Excerpta : qui secures facit ; addi potest et qui vendit.
© École des chartes.