2. SEDIMEN, Sedimentum, pondus, gravitas, assiduitas, diligentia : sed proprie gravitas in dicendo, eruditio, studium, diligentia, ingenium. Ita non semel usurpat Ordericus Vital. in prologo ad Histor. :

Horum (Scriptorum) allegationes delectabiliter intueor,..... nostrique temporis sapientes eorum notabile Sedimen sequi cohortor.

Idem lib. 2. de Aratore pag. 375 :

Carmen metrica sonoritate pulchrum edidit, in quo nobile sui Sediminis monimentum posteritati futuræ reliquit.

Lib. 3. pag. 461 :

In domo Domini nutritus fuerat, diutinoque Sedimine religiosam vitam jugiter ducere didicerat.

Lib. 4. pag. 530 :

Artium et sacræ lectionis Sedimen per Lanfrancum cœpit.

Lib. 6 : initio :

Humani acumen ingenii semper indiget utili Sedimine competenter exerceri.

Adde pag. 547. 597. 903. 628.