SEGA, Glossarium mediae et infimae latinitatis, Du Cange et al.

« Sega » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 398a. http://ducange.enc.sorbonne.fr/SEGA

SEGA, Segoha, etc. Obligatio, qua vassallus, vel tenens, dominum in hostem seu exercitum sequi tenebatur. Vide Hostis 2. Charta Guigonis Comitis Forensis ann. 1253. pro Libertatibus Villarezii :

Homines prædictæ libertatis tenentur venire in cavalcatam nostram, ... et Sequi mandatum nostrum per totum Comitatum Forensem, etc. Sega et sequuta cum armis,

in Charta ann. 1350. apud Justell. in Hist. Turenensi pag. 104. Alia ann. 1275. in Tabul. S. Flori Arvern. :

Ab omni atallia, collecta, leuda, Segoha, manobra et servicio.

Alia :

Excipimus etiam libertatem a Segnoa, manobro et servicio.

Homagium factum Henrico Comiti Rutenensi a Petro de Panaco Domicello ann. 1280 :

Præterea ego et successores mei debemus vobis et successoribus pro quolibet prædictorum castrorum facere albergam cum 5. militibus, et Segoam facere cum aliam terram vestram monueritis, ad hæc nos vel nostri, etc.

Seguis. Carta Pontii Comitis Tolosani ann. 936. apud Catellum pag. 89 :

Quæstus, et albergas, et firmantias, et tallias, et omnes actiones, et Seguis, et justitias, etc.

Ita legendum pro Segnis.

les Bénédictins de St. Maur, 1733–1736.

Seguius, Eadem notione. Charta Raymundi Bernardi Vicecom. Biterr. ann. 1070. in Append. ad Marcam Hispan. col. 1157 :

Excepto ipso Seguio qui per prædictos incombres vel donationes advenerit per directum ad ipsos successores de ipsos tenentes jamdictas donationes ; sed ita maneant ipsæ abbatiæ exceptis prædictis incumbres et eorum Seguio præscripto.

Sequimentum, Segimentum, Seguimentum. Charta Friderici II. Imp. ann. 1220. apud Ughell. tom. 2. pag. 23 :

Ut nec per aliquem nostrum missum, aliamve majorem vel minorem laicalem personam, seu per commune Bononiæ compellantur curare, ad breve communis Bononiæ vel Sequimentum potestatis, aut in cavalcatam, vel in exercitum ire, etc.

Charta Nunii Sancii Comitis Rossilionis ann. 1233 :

Et faciant ostes, et cavalcadas, curtes, et placita, et Segimenta cum meo corpore et meis Militibus de Vicecomitatu Ceritaniæ, etc.

Charta ann. 1134. in Append. ad Marcam Hispan. col. 1277 :

Et faciam tibi hostes et cavalcadas, curtes et placitos, et Seguimentum cum meo corpore et cum meis militibus de Vicecomitatu Ceritaniæ.

Charta ann. 1240. apud Joannem Lucium in Hist. Dalmatica pag. 472 :

Inprimis juraverunt corporaliter... fidelitatem, et Seguimentum dictæ Potestatis, sicut Spalatenses juraverunt, etc.

Sequitio. Libertates villæ Martelli in Lemovicibus ann. 1219. apud Justellum :

Si quis habitator villæ Martelli non sequitur Vicecomitem, quando mandat Sequitiones suas, pro propria guerra, etc.