« »
 
[]« Sententiare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 424c. http://ducange.enc.sorbonne.fr/SENTENTIARE
SENTENTIARE, Sententiam proferre, dare, lata sententia condemnare, Gall. Sententier. Statuta Auscior. MSS. art. 7 :
Bajuli et Consules prædicti capere poterunt criminosos simul et divisim ; inquirere autem vel Sententiare non nisi simul.
Charta ann. 1463 :
De omnibus inquisitionibus sive enquestis terminatis et Sententiatis, seu terminandis et Sententiandis, etc.
Albertus Stadensis ann. 1179 :
Papa in Consilio suo Sententiatus est, etc.
Rigordus ann. 1209 :
Qui (Papa) audita ejus propositione, et universitatis scholarium contradictione, Sententiavit contra ipsum.
Vitæ Abbatum S. Albani :
Contra quos judices non audebant Sententiare.
Joan. Gerson. de Imit. Christi lib. 3. cap. 1 :
Non me sinas secundum auditum aurium hominum imperitorum Sententiare,
id est, sententias et opiniones promere, judicare. Utitur etiam Michael Scotus lib. 2. Mensæ Philosoph. cap. 23. lib. 4. cap. 17. Occurrit præterea in Chron. Trivetti apud Acher. tom. 8. Spicil. pag. 463. in Statutis Cadubrii lib. 1. cap. 5. 19. 60. in Annal. Genuens. Georgii Stellæ apud Murator. tom. 17. col. 1167. in Statutis Monast. S. Claudii, apud Ludewig. tom. 6. Reliq. MSS. pag. 135. in Mirac. S. August. Cantuar. tom. 6. Maii pag. 402. etc.
P. Carpentier, 1766.
◊ Interdictum vel excommunicationem decernere. Charta Rainaldi dom. Caseoli ann. 1229. in Chartul. eccl. Lingon. ex Cod. reg. 5188. fol. 33. v° :
Et si de hoc forte deficerem, ipse episcopus.... posset.... in me et terram meam Sententiare, usque ad plenam condignam super prædictis satisfactionem.
les Bénédictins de St. Maur, 1733–1736.
Sententiare, Statuere, judicare, decernere. Acta ad Conc. Basileense apud Marten. tom. 8. Ampliss. Collect. col. 363 :
Item, quæ peccata lex divina Sententiat pœnaliter punienda.
Ibid. col. 372 :
Post hæc doctor adducit auctoritates plures canonum et doctorum Sententiantium, quod rigor correctionis seu justitiæ deberet temperari propter peccantium multitudinem.
les Bénédictins de St. Maur, 1733–1736.
Sententiare, Consentire. Litteræ Edwardi I. Reg. in Chron. Angl. Th. Otterbourne pag. 105 :
Volentes et expresse Sententiantes coram nobis, tanquam coram superiori et directo domino, in omnibus ordinandis stare et obtemperare, etc.
© École des chartes.