SEPLASIARIUS, Qui Seplasia vendit, seu pigmenta. Ugutio :

Seplasiarius, negotiator, qui pigmenta vendit.

Vetus Gloss. MS. Sangerm. n. 501 : Seplassarius, negotiator, qui multa venundat. Ita etiam Gloss. Lat. Gr. : Seplassarius, παντοπώλης. In Gloss. Græc. Lat. : Παντοπώλης, Seplasiarius, salgamarius. Jonas Aurelian. in Præfat. ad lib. 2. de Cultu imag. :

Desine itaque Seplasiariorum pigmentulis potionari.

Occurrit præterea apud Lampridium. Vide Salmasium de Usuris cap. 19. Supplassarius, perperam scribitur apud Vegetium lib. 3. Art. veterin. cap. 2.