« »
 
[]« Septuagesima » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 429c. http://ducange.enc.sorbonne.fr/SEPTUAGESIMA
SEPTUAGESIMA, inquit Alcuinus lib. de Divin. Offic.
computatur secundum titulationem Sacramentarii et Antiphonarii, novem hebdomadibus ante Pascha in septimam Sabbati
. Ordo Romanus :
Septuagesima videtur dici posse propter 70. dies, qui sunt ab ipso die ad Sabbatum ante Octavas Paschæ, quo die alba tolluntur vestimenta a nuper baptizatis.
Septuagesimæ institutionem Telesphoro PP. adscribit Liber Pontific. Roman. :
Hic constituit, ut septem hebdomadas ante Pascha jejunium celebraretur.
Eadem habet Eusebius in Chronico. Vide Alcuinum Epist. 1. 2. 109. Amalarium lib. 1. de Ecclesiast. offic. cap. 1. Rupertum lib. 4. de Divin. offic. cap. 1. et 6. Rabanum lib. 2. de Instit. Cleric. cap. 34. Honorium August. lib. 3. cap. 23. Hugon. a S. Victore lib. 3. Observ. Eccl. cap. 10. Beletum cap. 78. Durandum lib. 6. cap. 23. 89. n. 1. De Septuagesima hæc accipe ex Cod. MS. S. Victoris Parisiensis :
A festo stellæ numerando perfice lunæ
Quadraginta dies, ibi Septuagesima fiet :
Et si bissextus fuerit, superadditur unus.
[]
© École des chartes.