SICCARIA, Glossarium mediae et infimae latinitatis, Du Cange et al.

« Siccaria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 469a. http://ducange.enc.sorbonne.fr/SICCARIA

SICCARIA, Agri portio, ubi siccantur panni eloti. Arestum Parlam. Paris. 10. Jan. 1320 :

Super debato saisinæ quarundam Siccariarum pertinentium ad dictum Militem, etc.

les Bénédictins de St. Maur, 1733–1736.

◊ Malim eo loci Siccariam interpretari locum ubi siccantur pisces, vulgo Secherie, vel tributum quod ex iis locis percipitur, ut in Charta ann. 1317. apud Lobinell. tom. 2. Hist. Britan. col. 472 :

Item villam et castellanias de Pontrieu et de Rupederiani... cum omnibus feodis, et retrofeodis, firmis, bladis, molendinis, Siccariis, juribus et aliis emolumentis, etc. Siccatura piscium,

dicitur in Charta ann. 1225. inter Schedas ejusd. Lobinelli.

P. Carpentier, 1766.

◊ Ea procul dubio notione usurpatur, in Charta Joan. ducis Brit. ann. 1279. ex Reg. 50. Chartoph. reg. ch. 31 :

Cum mercatores de Bayonia proponerent Sicaria piscium de loco beati Mathæi in finibus terrarum, ac ipsius Sicariæ jura et pertinentia ad eos... pertinere,... ac peterent guod nos Sicariam, jura et pertinentia hujusmodi mercatoribus liberaremus eisdem..... Concedimus dictam Siccariam congrorum et merluciorum, cum suis pertinentiis et juribus consuetis, habendam et tenendam ab eis... Debemus etiam nos... districte servare,..... quod nemo, exceptis ipsis mercatoribus,..... possit in dicta Siccaria congros et merlucios, a Paschate usque ad festum B. Michaelis in monte Tuba, siccare.