« »
 
[]« 1 siliqua » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 488c. http://ducange.enc.sorbonne.fr/SILIQUA1
1. SILIQUA, Isidoro lib. 16. cap. 24 :
Vigesima quarta pars solidi, ab arboris (siliquæ, de qua Victor. lib. 1. de Persecut. Vandal. quam Cornum vocant,) semine vocabulum tenens.
Gloss. Lat. Gall. Sangerman. : Siliqua, un arbre portant fruit profitable à pourceaux, ou ce fruit, ou un pois, la xxiiii. partie d'un solt. Gregorius M. lib. 9. Epist. 14 :
Præcipimus, ut ad tres siliquas aureas factis libellis ei vineolam ipsam locare debeas, etc.
Idem Gregorius M. lib. 1. Epist. 42 :
Sed tua experientia, sive in hoc, quod per libram amplius, sive in aliis minutis oneribus, et quod ultra rationis æquitatem a rusticis accipitur, penset, et omnia in summam pensionis redigat, et prout vires rusticorum portant pensionem integram, et pensantem ad septuaginta bina persolvant, et neque Siliquas extra libras, neque libram majorem exigi debeant ; sed per æstimationem tuam, prout virtus sufficit, in summam pensionis crescat, et sic turpis exactio nequaquam fiat.
Senator lib. 2. Epist. 25 :
Superbia deinde conductorum Canonicos solidos non ordine traditos, sed sub iniquo pondere imminentibus fuisse projectos, nec universam Siliquam quam reddere consueverant, solenniter intulisse.
Adde veterem Chartulam plenariæ securitatis, quam descripsit Brissonius lib. 6. Formul. pag. 647.
les Bénédictins de St. Maur, 1733–1736.
Silica, Eadem notione, apud Marten. de Ant. Eccl. Rit. pag. 180 :
Pontifex vero egreditur a fonte, habens compositam sedem in ipsam ecclesiam et deportantur ad eum infantes et dat stolam, casulam et chrismale et decem Silicas et vestiuntur.
Siliquaticum, ϰερατισμός, id quod in nundinis exigitur ob venditionem proponendam. Tributum inductum a Valentiniano et Theodosio, augendo ærario, quod fuerat exhaustum : ut nundinis quibusque, decreto provincialium, loco et tempore constituto, ex qualibet mercium negotiatione fisco in singulos soli dos venditor dimidiam siliquam, ac similiter emptor alteram dimidiam siliquam inferret : ut est in eorum Novella 48. et apud Cujacium lib. 16. Observ. cap. 23. Senator. lib. 4. Epist. 19 :
Siliquatici namque præstationem, quam rebus omnibus nundinandis provida definivit antiquitas, etc.
Adde lib. 1. Epist. 30. lib. 2. Epist. 4. Bulla Gregorii V. PP. ann. 996. in Hist. Comit. Comacli :
Per totam ..... Pentapolim nullum teloneum, atque portaticum, sive Siliquaticum exigatur.
Bulla Honorii III. PP. ann. 1223. apud Ughellum in Senogalliensibus Episcop. :
Et tertiam partem de omnibus, redditu, ac datione, districto quoque et placito, et de mercato, nec non de ripa et portu, seu et de aliis supradictæ civitatis vectigalibus, seliquatico, pedagio, mensuratico, etc.
Adde Bullarium Casinense tom. 2. pag. 18. Ita etiam legendum apud Agnellum in Vita S. Reparati tom. 2. [] Murator. pag. 148. ubi habetur Siliquatio.
Comes Siliquatariorum, apud Senatorem lib. 2. Epist. 12.
Siliquarius, vel Siliquatarius, qui Siliquaticum exigit vel colligit, apud eumdem lib. 2. Epist. 26.
© École des chartes.