« »
 
[]« Similare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 490a. http://ducange.enc.sorbonne.fr/SIMILARE
SIMILARE. Glossæ antiquæ MSS. : Similare, effingere, repræsentare, imitari, exprimere. Ugutio : A similis dicitur Simulare, id est, facere similem, vel esse, vel repræsentare. Gloss. Lat. Gall. Sangerm. : Similare, Sembler. Liciani Episc. Epist. ad S. Gregor. PP. inter Conc. [] Hispan. tom. 2. pag. 428 :
Nolo te Similare indecoro pictori pulchra pingenti, etc.
Marcellus Empiricus cap. 8. pag. 69 :
Pisciculi, qui equum marinum Similat, fel, etc.
Vetus interpres Epistolæ S. Barnabæ :
Ne quando Similemus illis.
Ita sæpe in hac Epistola. Pontius Diaconus in Vita S. Cypriani :
Potuisset fortasse tunc illi Apostolicum illud evenire,..... si cum Apostolo etiam ordinationis honore Similaret.
Vigilius lib. 4. contra Eutychem :
Neque in aliquo nobis poterat Similari, si non id, quod ipsi sumus, in seipso dignaretur accipere.
S. Bernardus Epist. 2 :
Mulierculis vel Similari vel placere studemus.
Adalbero Ep. Laud. pag. 251 :
Fabula non Similat verum, nec dicitur esse.
Eckehardus Jun. de Casib. S. Galli cap. 11 :
Monachos hodie S. Gallus habet, quorum similes ipse inter suos nunquam Similabit.
Ita Vita S. Deicoli cap. 2. n. 6. Vita S. Benedicti Abb. Anianæ cap. 4. num. 17. Lucas Abb. Montis S. Cornelii in Cantica Canticorum, etc.
◊ Alia videtur ejusdem vocis notio in Leg. Alvredi Regis West-Saxon. c. 21. 19. apud Bromptonum :
Si quis præstet arma sua ad occidendum aliquem, licet ei, si velit, weram mortui conjectare. Si Similari nolit, reddat, qui arma præstiterit tertiam partem weræ, etc.
Saxonicum habet geramnian, quod congregare, convenire, sonat, Gallis Assembler. Vide in Assimulare.
Simulare, Eadem notione. Papias : Imitari, Simulare, aut sequi. Gloss. Lat. MS. Regium cod. 1013 : Adumbrat, effingit, Simulat, designat. Ugutio :
Figmentare, fingere. Simulare.
Willel. ab Oldenborg in Itin. Terræ Sanctæ pag. 126 :
Pavimentum habet subtile, marmoreum, Simulans aquam levi vento agitatam.
Herbertus lib. 2. de Mirac. cap. 21 :
Erat autem indutus habitu monachali, propemodum Simulans Monacho.
Cap. 32 :
Et viventi magis quam mortuo Simulans.
Udalricus in Cons. Clun. lib. 1. cap. 31 :
Caveat, ne dicat collectam ignotam ; sed quæ bene Simulet stilum Gregorianum.
Vide lib. 2. cap. 2.
Illi Simulat
, in Capit. Caroli Calvi tit. 16. cap. 13. Il lui semble, illi videtur. Hincmarus Laudun. ad Remensem pag. 594. 608 :
Ut ille possit res de sua Ecclesia ordinare, et illi liceat, sicut ei Simulaverit, disponere.
Adde Concilium Calchutense ann. 787. cap. 9.
P. Carpentier, 1766.
◊ Hinc nostris Sanler, pro Sembler, Videri, putare. Lit. ann. 1297. in Lib. rub. Cam. Comput. Paris. fol. 55. r°. col. 2 :
Vous bailliez lettres scellées de ladite vente audit mestre Jehan, si bonne et souffisans, come il vous Sanlera que il sera à faire.
Occurrit præterea in Cons. Petri de Font. cap. 15. art. 22. et 25.
Dessambler
vero, pro Déguiser, Aliam speciem et formam induere, in Vitis SS. MSS. ex Cod. 28. S. Vict. Paris. fol. 266. v°. col. 2 :
Saint François se Dessambloit souvent, pour ce que li cognoissant ne le cogneussent.
P. Carpentier, 1766.
◊ Inde etiam accersenda potius videtur, quam a voce Sanguis, juramenti formula Par le Sambre Dieu, id est, Per faciem Dei ; sambre enim ex frequenti mutatione l in r, pro Samble, facies, vultus. Atqui usitatissimum fuit per membra, quæ Deo affingebant, jurare. Vide in Juramentum. Lit. remiss. ann. 1413. in Reg. 167. Chartoph. reg. ch. 197 :
Jehan Froidet dist ces paroles : Sambre Dieu, il a esté besoing que le ribault s'en soit alé, par le Sambre Dieu, je l'eusse tué.
Neque aliud sonat vox Sambuy, in [] Lit. remiss. ann. 1368. ex Reg. 99. ch. 179 :
Lequel Robin dist : Le dites vous pour my, par le Sambuy, je n'entrai onques en vostre jardin.
les Bénédictins de St. Maur, 1733–1736.
Simulatio, Similitudo. Paschasius in Vita Ven. Walæ Abb. Corb. sæc. 4. Benedict. part. 1. pag. 474 :
In quibus nulla adulatio fuit, sed hinc inde expressa pietas, nulla ad invicem dissensio : ita ut non invenires ad eorum propositi Simulationem quid adderes.
Nostris olim Semblant pro facies, vultus, Mine. Le Roman d'Athis MS. :
Elle ot cler vis et bel Samblant,
Vairs yeulx et le resgart riant.
les Bénédictins de St. Maur, 1733–1736.
Simulator, Imitator, æmulator. Spicil. Fontanell. MS. :
Ex duobus quippe generibus hominum domus religionis implenda est ;.... vel de prudentibus, quos religiosæ et sanctæ simplicitatis consistit esse Simulatores.
© École des chartes.