SINISTERITAS, Infelicitas, sinistra fortuna, perversitas. Sidonius lib. 1. Ep. 5 :

Ilicet, et si secus quæpiam, sub ope tamen Dei ordiar a secundis ; quibus primordiis majores nostri etiam Sinisteritatum suarum relationes evolvere auspicabantur.

Vita Joh. Clerici pag. 94 :

Hæc posteritas quidem nostra videbit, sed et tantam judiciorum Sinisteritatem non pauci jam mirati sunt.

Expositio symboli in Liturg. Gall. pag. 341 :

Ideo ad dexteram Patris Filius dicitur ; quia in eo nulla Sinisteritas invenitur. Cum enim in Scripturis sacris semper quod dexterum est, ad meliora ; quod sinistrum, ad deteriora pertineat : idcirco in Deo dextera, id est bona sunt : ubi sinistra, id est mala possumus suspicare. Sinisterius versari,

in leg. 2. tit. 27. lib. 9. ad Leg. Jul. repet. Cod. Theod.