SINODOCHIUM, Glossarium mediae et infimae latinitatis, Du Cange et al.

« Sinodochium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 494b. http://ducange.enc.sorbonne.fr/SINODOCHIUM

SINODOCHIUM, Synodochium, in Synodo Ticin. ann. 850. cap. 15. 16. in Chron. S. Sophiæ Benev. pag. 608. etc. Præceptum Caroli M. ann. 773. apud Marten. tom. I. Ampl. Collect. col. 38 :

Insuper adjungimus ad præfatum locum Sinodochium illum inter Padum et Ticinum, quod est in honore S. Mariæ constructum.

Chronicon Farfense :

Cum Monasteriis, cellulis, Synodochiis, Ecclesiis, etc.

Charta Romualdi Ducis Beneventanorum in Chronico S. Sophiæ Benevent :

Ut neque a Monasterio subdatur, neque Synodochio defendatur.

Occurrit præterea in Chartis Ludovici Pii in Vita Aldrici Episcopi Cenom. num. 11. apud Pontium de Larazio de Excidio Salvaniensis monasterii num. 4. in Actis Episcopor. Cenoman. pag. 111. 127. 147. Atque forte ita legendum in Vita MS. Magnobodi Episc. Andeg. cap. 41 :

In quo etiam Syntochia atque brephotofia construxit.

Nisi legatur ptochia.

Senodochium, in Capitul. 6. ann. 819. cap. 5. Vide Baluzium ad Capit. pag. 1080. Epist. Caroli M. ad Pipinum filium apud Murator. tom. 1. part. 2. pag. 112 :

Pervenit ad aures clementiæ nostræ, quod aliqui duces,.... et ceteri per singula territoria habitantes ac discurrentes, mansionatica et paravereda accipiant non solum de liberis hominibus, sed etiam de ecclesiis Dei, monasteriorum videlicet virorum et puellarum, et Senodochiorum.

Ex quibus facile colligitur Synodochia sæpissime nuncupari Obedientias a majori monasterio dependentes.