SITHCUNDUS, Sithercundus, Sidercundus Homo, Sithcundman. Leges Inæ Regis Westsaxiæ cap. 49 :

Borgi fractura debet emendari 120. sol. Aldermanni 80. sol. Thayni Regis 60. Sidercundi hominis terram habentis 25. aut per id negare.

Cap. 56 :

Si homo Sithercundus agat cum Rege, vel cum Regis Aldermanno pro familia sua, etc.

Cap. 57 :

Si homo Sithercundus terrarius expeditionem supersedeat, emendet 120. sol. et perdat terram suam.

Adde cap. 60. Gesithcundman dicitur cap. 55. 64. et 67. Leges Athelstani Regis :

Et si Waliscus..... Ceorlman promoveatur, ut habeat 5. hidas terræ, et habeat weram Regis, et occidatur, reddantur 2. millia thrimsa : et si assequatur, ut habeat loricam et galeam, et deauratum gladium, si terram non habeat, tamen est Ceorlus. Et si filius ejus, vel filius filii ejus hoc assequatur, ut tantum terræ habeat postea, est qui nascetur ex eis Sithercunde generationis ad 2. millia thrimsarum, etc.

Ex quibus patet Sithercundum dici hominem, qui tantum terræ habeat, ut servitium militare inde exhibere posset, ideoque viris nobilibus accenseretur. Lambardus Custodem paganum vertit, alibi Armiferum et Ducem paganum. Sed vide, quæ Somnerus ibi commentatur, et mox Sithcundman. Thorpii Glossar. Leg. Anglosax. voce Gesið, Philipps. de Jur. Angloss. § 32. not. 320. ejusd. Histor. Jur. Anglic. tom. 2. pag. 13. Richthofen. Glossar. Frison. voce Sith.