SOLIDATUM 1, Glossarium mediae et infimae latinitatis, Du Cange et al.

« 1 solidatum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 518b. http://ducange.enc.sorbonne.fr/SOLIDATUM1

1. SOLIDATUM, Quidquid in solidum possidetur. Gesta Dagoberti Regis cap. 13 :

Reddensque ei Solidatum, quod aspiciebat ad regnum Austrasiorum, hoc totum exinde, quod citra Ligerim, vel Provinciæ partibus situm erat, suæ ditioni retinuit.

Idem cap. 32 :

Insuper sacramentis firmaverunt, ut Neptricum et Burgundia Solidato ordine ad regnum Hludovici post Dagoberti Regis discessum aspiceret.

Eadem habet Chronicon Fredegarii cap. 53. 76. Aurelianus Episcopus in Epist. ad Theudebertum Regem :

Prætereo generis tui stemma sydereum : taceo et istud, quod unicus sceptris, multiplex populis, gente varius, dominatione unitus, Solidus regno, diffusus imperio. Ex solido possidere,

opponitur ex beneficio, apud Will. Malmesbur. lib. 1. de Gestis Pontificum :

Urbem (Cantuariam), quam Archiepiscopus Lanfrancus habuerat ex benéficio, isti (Anselmo) concessi ex Solido,

id est jure proprietatis et allodii possidendam. Hinc

les Bénédictins de St. Maur, 1733–1736.

Solide Habere, est jure proprietatis et allodii possidere, in Charta ann. 1116. ex majori Chartul. S. Victoris Massil. :

Altera pars, scilicet Monachi S. Victoris, habebat aliam medietatem Solide et libere, quia prædictus honor totus est alodium S. Victoris.