SOQUETUM 1, Glossarium mediae et infimae latinitatis, Du Cange et al.

« 1 soquetum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 529a. http://ducange.enc.sorbonne.fr/SOQUETUM1

1. SOQUETUM. Charta Raimundi judicis Majoris Senescalliæ Tolosæ ann. 1448 :

Quoddam emolumentum, Soquetum vini vulgariter nuncupatum, quod est diminutio quartæ partis mensuræ vini, quod venditur ad tabernam et in minuto.

Vide supra Sognetum.

les Bénédictins de St. Maur, 1733–1736.

◊ Soquetum est Subsidium seu vectigal, quod ex imminutione mensurarum vini percipitur, ut plurimum in usus cessurum civitatis, cui a Rege vel Domino concessum est :

Souquet

, in Litteris Caroli VII. Reg. Franc. ann. 1431. ex Regesto 9. Senescalliæ Sommeriarum fol. 25. v°. Soquet, in Litteris ann. 1472. Ludovici XI. Reg. ex Regesto Senescalliæ Belloquadræ fol. 236 :

Les habitans de Beaucaire, qui par octroy de nous, leur a été puis aucun tems en ça octroyé qu'ils puissent cueillir et lever une aide appellée le Soquet ou appetissement de mesures du vin qui se vend en détail en laditte ville de Beaucaire et territoire d'icelle ; c'est assavoir cinq pichiers pour chacun barral de vin qui se monte à la septième partie d'icelui barral, etc.

Litteræ ann. 1363. inter Ordinat. Reg. Franc. tom. 4. pag. 238 :

Ut ipsi habitatores (Andusiæ) possint..... levare Soquetum vini ; videlicet sextam partem vini vendendi in dicta villa ad minuitum, prout alias habuerunt.

Litteræ Johannis Archiepisc. Auxitan. ann. 1401 :

Concedimus quod possint et valeant imponere Soquetum in qualibet mensura, cum quibus mensurabitur et vendetur vinum in minuto ad tabernam in dicta nostra civitate Auxitana, videlicet diminutionem dictarum mensurarum de octava parte.

Ibidem :

Quod Consules possint levare Soquetum sive malamtoltam, videlicet ex decem et septem cartonibus vini, medium cartonum vini, sive ejus pretium.

les Bénédictins de St. Maur, 1733–1736.

Soquotus, Eadem notione, pro Soquetus. Litteræ Johannis Fr. Reg. ann. 1361. tom. 3. Ordinat. pag. 498 :

Impune et libere impositiones suas, si quas habent, barragia, sizas, Soquotos vini, farinæ, vel similia, jam eis per nos dudum.... concessa vel donata, levare et exigere possint.

Ubi advertere est Soquetum non ex

vino duntaxat, sed ex aliis etiam rebus exactum fuisse.

P. Carpentier, 1766.

◊ Tributum, quod ex quibuscumque rebus venalibus, in Charta designatis, exigendum alicui oppido in sui commodum a rege conceditur, vulgo Octroy. Charta ann. 1368. in Reg. 102. Chartoph. reg. ch. 57 :

Item habebunt prædicti consules (Astefortis) impositionem seu Soquetum pro duodecim annis levandum de rebus infrascriptis vendendis in dicto loco et juridictione ejusdem, ad convertendum in clausuram dicti loci, videlicet de quolibet animali equino vel bovino quatuor denarios.

Ita etiam supplendum in Libert. Salvit. ann. 1369. tom. 5. Ordinat. reg. Franc. pag. 386.