SPINGA, pro Sphinx. Isidorus lib. 20. cap. 11. de Lecticis et sellis :

Spingæ sunt, in quibus sunt spingatæ effigies, quos nos Grifos dicimus.

Glossar. MS. Sangerm. num. 501 : Spinge, sunt lectice in quibus sunt spingate effigies, quos nos Grifes dicimus. Papias MS. Bituricens. : Lecti vel sellæ species : lectica, stratus,.... pulvinar, Spinge, punicani, sponda, etc. Ejusmodi Sphingas in sellis conspicere est in Achate sanctæ Capellæ Parisiensis, qui habetur apud Santamantium, qui Isidori locum non viderat.