STALLUM 2, Glossarium mediae et infimae latinitatis, Du Cange et al.

« 2 stallum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 578a. http://ducange.enc.sorbonne.fr/STALLUM2

2. STALLUM, aut Stallus, sumitur apud Scriptores pro sede uniuscujusque Monachi, aut Canonici in choro Ecclesiæ. Humbertus lib. 2. de Mirac. cap. 1 :

Solito more venit in chorum, et ecce invenit Spiritum immundum in Stallo suo, similantem fratri qui juxta se manebat in choro.

Et mox :

Innuit ei ut in aliud Stallum sese transferret.

Statutum Raimundi Comitis Tolosani et Legati PP. apud Catellum pag. 350 :

Inhibemus, ne aliqui seculares Canonici Stallum in choro, vel vocem habeant in Capitulo, nisi forte fuerint in sacris Ordinibus constituti, etc.

Matth. Paris ann. 1256 :

Inquisiverunt..... quodnam esset Stallum Decani.

Radulfus de Diceto :

Richardo Stallum assignavit in Choro, sedem in Capitulo.

Statuta Eccl. Traject. ann. 1088. in Batav. sacra pag. 136 :

Item abbates de civitate..... non stabunt inter canonicos, nec in Stallo canonicorum.

Charta ann. 1201. in Hist. Episcopat. Antverp. pag. 99 :

Stallum in choro, vocem in capitulo, cum cæteris solemnitatibus, eidem assignantes.

Charta ann. 1240. tom. 2. Hist. Eccl. Meld. pag. 142 :

Quod nullus loquatur in choro nostro ita alte quod possit intelligi ab uno Stallo in quarto post in eadem serie.

Statuta ann. 1388. apud Lobinell. tom. 2. Hist. Paris. pag. 339 :

Statuimus quod Stallus seu locus erit in choro, ubi hinc inde tam primi capellani quam alii qui ibidem assignantur, assideant.

Utuntur Charta Charitatis Cisterc. cap. 2. Cælestinus III. PP. Epist. 6. Cæsarius Heist. et alii passim. Atque ea quidem stalla spondis dividuntur ab invicem. Matth. Paris ann. 1250 :

Et retroire cogens, ad unam spondam, quæ duos de Stallis dividebat, et pro podio facto fuit : adeo senile corpus pressit, ut ossa cum medullis conquassaret.

Vide Joan. Buschium in Chron. lib. 2. c. 25. 31. 36. 39. 43. etc. et in Forma 13.

les Bénédictins de St. Maur, 1733–1736.

Vinum Stalli. Charta ann. 1180. ex Tabul. Audomar. :

Capellanum Comitis de Rubec canonicum constituimus et concessimus etiam ipsi omnes obventiones,..... omnes emendationes, testimonia, vina Stalli et præbendarum.

Id est, quod Canonico debetur ex præbenda.

les Bénédictins de St. Maur, 1733–1736.

Stallare, ut mox Installare. Regest. Capit. Rotomag. tom. 4. Histor. Harcur. pag. 1439 :

Juravit et fuit Stallatus per mag. Guidonem Rabacherii hujus Ecclesiæ canonicum tunc in dicto capitulo præsidentem in dicto choro in parte sinistra in bassa forma.

Installare, In stallum inducere, locum in choro dare, beneficii Ecclesiastici possessionem conferre, Gallis Installer. Jo. Brompton. ann. 1088 :

Præbendarios Installant, inducunt, visitant.

Passim. In stallos mittere, apud Rogerum Hovedenum pag. 660 :

Sed Archiepiscopus Eboracensis noluit eos (Decanum et Thesaurarium Eboracensis Ecclesiæ) recipere, neque in Stallos mittere, donec electio sua confirmata esset a summo Pontifice.

P. Carpentier, 1766.

◊ Quæ actio, Stallatio nuncupatur in Actis MSS. capit. eccl. Lugdun. ad ann. 1340. fol. 67. r°. col. 1 :

Constituerunt procuratores suos ad appellandum de Stallatione facta de Tileto de Montecanuto.

Stat. MSS. eccl. Tull. ann. 1497.

fol. 86. r° :

Cantor Stallat non stallatos. Estaller

vero in stallo sedere sonat, in Cerem. MS. eccl. Brioc. :

Les petitz cureaulx ne doivent pas seoir ne Estaller es chaeses haultes ne basses ; mes ils doivent estre en estant es petitz releiz du cueur en maniere de station.