STARIUS, Mensura superficialis octavæ Novariensis modii parti, seu perticis quatuor tabulisque sexdecim, id est hect. 0,306604, æquivalens. Stat. Comm. Novariæ sæc. xiv. inter Mon. Hist. Patr. Taur. tom. xvi. col. 585 :

Item teneantur et debeant consules extimatores cogere omnes homines de Novaria et jurisditione Novarie, qui terram habeant a Stariis xii. infra extra civitatem vel villas vel suburbia, ipsam terram vendere vel computare arbitrio extimatorum illi persone, que terras habet a tribus partibus.

Fr.