STATURA 1, Glossarium mediae et infimae latinitatis, Du Cange et al.

« 1 statura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 588c. http://ducange.enc.sorbonne.fr/STATURA1

1. STATURA, Hominis altitudinis mensura, la hauteur d'un homme. Gloss. Lat.

Gr. : Statura, ἀνάστημα, μέγεθος σώματος, μῆϰος ἡλιϰίας. Glossæ aliæ : Statura, σώματος στάσις. Anastasius in S. Hadriano sub finem, de Tiberi fluvio exundante :

Et per plateas, se extendens usque ad Pontem Antonini, ipsumque evertens murum, egressus in suo se iterum univit alveo, ita ut in via lata amplius quam duas Staturas ejusdem fluminis aqua excrevisset, etc.

Habetur eadem notione paulo ante. Annalista Saxo apud Pertz. Scriptor. tom. 6. pag. 571 :

Ad primam usque cementarii Staturam murus ejusdem surrexit ecclesiæ.

Vide Glossar. med. Græcit. in Ἡλιϰία, col. 475.

P. Carpentier, 1766.

◊ Sed et nude pro Altitudo. Constit. MSS. Petri III. reg. Aragon. ex Cod. reg. 4671 :

Habeat facere domunculam ipse Johannes habentem duodecim palmos de longitudine et sex de latitudine et duas cannas de Statura sive de altitudine.

« 2 statura » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589a. http://ducange.enc.sorbonne.fr/STATURA2

2. STATURA, Statua, imago. Testam. Guillelmi Narbon. Vicecom. ann. 1397. apud Marten. tom. 1. Anecd. col. 1629 :

In quibus siquidem tumulis faciendis, videlicet in nostro, de et super fiat Statura, seu imago lapidea similis corpori nostro, armata armis lapideis, et cum picturis.... Rursus vero de et super dicto tumulo dictæ dominæ matris nostræ fiat, et fieri volumus et jubemus, alia Statura, sive imago lapidea similis corpori dictæ dominæ matris nostræ, et ad modum unius dominæ vidualis. In tumulis vero et Staturis prædictis nos testator prædictus fieri et depingi, ac apponi, ac affigi volumus arma et signa Narbonesii.