STRASCINARE, Glossarium mediae et infimae latinitatis, Du Cange et al.

« Strascinare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 608c. http://ducange.enc.sorbonne.fr/STRASCINARE

STRASCINARE, Trahere, raptare, Gall. Trainer, Ital. Strascinare, Supplicii genus. Hist. Cortusior. lib. 2. apud Murator. tom. 12. col. 802 :

Ipsos proditores per civitatem et burgos Vicentiæ Strascinari fecit ad caudam equi et postea in furcis.

Bonincontrus in Chron. Modoet. ibidem col. 1146 :

Judicatus, Strascinatus fuit per totam civitatem Avinionis ; in fine suspensus fuit per gulam supra Castellatium, ubi de multis in Avinione fit judicium.

Jac. De Layto in Annal. Estens. apud eumd. tom. 18. col. 911 :

Anno 1394. fuerunt Strascinati per civitatem Ferrariæ, et demum ducti extra portam Leonis suspensi fuerunt laqueo, etc.

les Bénédictins de St. Maur, 1733–1736.

Strassinare, Strassignare, Eadem notione. Statuta Cadubrii lib. 3. cap. 40 :

Qui ad postam alterius præcio vel mercede homicidium commiserint in personam alicujus in terra Cadubrii vel Caprilis, Strassinentur ad caudam asini, mullæ vel equæ usque ad furcas, et ibi laqueo suspendantur per gullam.

Ibidem cap. 49. legitur Strassignare. Statuta criminalia Riperiæ cap. 182. fol. 25 :

Si in fortiam dom. capitanei pervenerit, Strassinetur et suspendatur per gulam.

Occurrit etiam in Statutis Palavic. lib. 2. cap. 25. fol. 95.

les Bénédictins de St. Maur, 1733–1736.

Straxinare, Eodem significatu. Joh. Demussis Chron. Placent. ad ann. 1314. apud Murator. tom. 16. col. 491 :

Mediolanenses et eorum stipendiarii projecerunt Recessorem cum equo dicti Recessoris in terra, et ipsum Straxinaverunt per totam civitatem Papiæ.

Adde Acta SS. tom. 4. Jun. pag. 766.