STRATA, Via publica lapidibus, seu silice munita, ut præter Suetonium et alios, loquitur Procopius lib. 2. de Bello Persico cap. 1 :

Στράτα γὰρ ἡ ἐστρωμένη ὁδὸς τῇ Λατίνων ϰαλεῖται φωνῇ.

Paulinus Nolanus Carmine ad Cytherium, ubi de Via Appia :

Post hæc et ad nos pergere incœptat viam,

  Qua sternit aggerem silex,

Cui munitor Appius nomen dedit.

Vett. Inscriptiones 149. 5. 150. 4. 5 :

Viam silice sternendam curarunt.... Viam quæ ducit in villam magnam silice sua pecunia straverunt.

Papias : Strata, dicta quasi pedibus vulgi trita ; ipsa et dilapidata, id est lapidibus strata, quam prius Pœni, post Romani, per omnem pene orbem disposuerunt, propter rectitudinem itinerum, et ne plebs otiosa esset. Gloss. Græc. Lat. : Λεωφόρος, Strata, iter. Apud Nicetam Græco-Barb. in Manuele lib. 3. cap. 2 :

Ρύμαι, στράται

, ubi Codex alius ἄμφοδοι. Ebrardus Betun. in Græcismo cap. 12 :

Est stratum proprie lectus : via regia, Strata :

Stratum quandoque via regia dicitur esse.

Strata viarum dixere Lucretius et Virgilius. Pontium Stratarumque opera, in leg. 4. C. de Privil. dom. Aug. (11, 75.) Alcuinus Poem. :

Sed bene securus poteris percurrere Stratam.

Joannes Sarisber. lib. 1. Metalogici cap. 18 :

Ars itaque est quasi Strata publica, qua ire, ambulare, et aggeres, sine calumnia et concussione omnibus jus est.

Victor Vitensis lib. 1 :

Qui in Strata publica multo tempore nudo jacuit sub aere.

Lib. 3 :

Stratæ vero vel semitæ cadaveribus repletæ, etc.

Juvencus lib. 2 :

En ego mitto meum Stratas aptare ministrum

Ante tuos vultus.

Itinerarium Hierosol. :

Super Strata in parte dextra est monumentum, ubi Rachel posita est uxor Jacob. Strata publica, quæ appellatur via regia,

apud Harigerum Lobiensem in S. Materno Episcopo Leodiensi cap. 13. Will. Brito lib. 8. Phil. :

..... Publica nulli

Strata patet.

Petrus Diac. lib. 4. Hist. Casin. cap. 11 :

Per antiquam Stratam Romam venit.

Speculum Saxonicum lib. 2. art. 59. § 3 :

Strata seu via regia tantæ latitudinis esse debet, quod currus alteri cedere possit.

Germ. Des Koninges Strate. Vide Haltaus. Glossar. Germ. voce Kœnigs-Strasse, col. 1115. Charta Ludovici II. Reg. Franc. ann. 878. apud Baluz. ad calcem Capitul. col. 1503 :

Unde ipsa Strata dividit usque ad aliam Stratam quæ pergit de Gerunda ad Barchinonam. Stratæ proclamatæ,

in Correct. Statut. Cadubrii cap. 138. Charta Henrici VII. Imp. ann. 1313. apud Goldastum tom. 1. Constit. Imp. :

Stratas communes vel Regias vulgariter appellatas.

Vide Paulum Warnefridum lib. 5. cap. 17. Legem Longobard. lib. 3. tit. 1. § 21. Pippin. 5. Petrum de Vineis lib. 3. Epist. 69. lib. 5. Epist. 1. Bergerium lib. 3. de Itineribus Romanis cap. 54. § 3. 4. Adde Mabill. tom. 3. Analect. pag. 493. Marten. tom. 3. Anecd. col. 1800. tom. 7. Ampl. Collect. col. 68. Lobinell. tom. 2. Histor. Britan. col. 1135. Kennett. in Antiquit. Ambrosd. pag. 325. Acta SS. tom. 2. Mart. pag. 95. tom. 7. Maii pag. 153. Murat. tom. 12. c. 1086. etc. Vide Guerard. in Chartul. S. Petri Carnot. Proleg. § 8.