STRUMENTUM, Glossarium mediae et infimae latinitatis, Du Cange et al.

« Strumentum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 617b. http://ducange.enc.sorbonne.fr/STRUMENTUM

STRUMENTUM, Instrumentum, Italis Strumento. Regula S. Isidori cap. 19 :

Strumentorum custodia et ferramentorum ad unum, quem pater Monachorum elegerit, pertinebit.

Avitus Epist. 2. ex Baluzianis lib. 1. Miscellan. :

Et si satis desiderabantur Strumenta cultuum, plus tamen formidari oportuit præda raptorum.

Pro Instrumentis musicis, in Charta ann. 1381. ex Tabul. Massil. :

Item quod nulla persona privata vel extranea audeat vel præsumat in Massilia vel extra de die vel de nocte facere festum cum quibusvis Strumentis ; ita quod nullus menestreys seu jogulator audeat pinsare vel sonare instrumentum cujuscumque generis.

Nostri Estrument, pro Instrument, etiam dixerunt. MS. :

De Constentin lor fist bons Estrumenz baillier,

Qui bien sourent par mer et sigler et vagier.

◊ Præsertim pro chartis ac tabulis. Gloss. Græco-Lat. : Dotale strumentum, προιϰοῖον. Perperam reponit Goldastus Instrumentum. Testamentum Widradi Comitis et Abbatis ann. 1. Theoderici Regis :

Vel reliquas fabricaturas, seu ministeria Ecclesiæ, vel Strumenta cartorum, libros vel vestimenta Ecclesiæ, etc.

Charta Chlodovei III. Regis edita a Jo. Mabillonio :

Quicquid ipse Ingobertus vel memorata Angratudis tam de alote parentum, quam de comparato, vel de qualibet adtractum ibidem tenuerint, vel possiderint, per suum Strumentum ipsius Abbatis in integritatem firmassit.

Concilium Duziacense I. part. 4. cap. 5 :

Præcepta et Strumenta Chartarum de rebus Ecclesiæ secum asportare est accusatus.

Charta Ludovici Pii ex Tabular. Major. Monast. :

Unde præsentiæ nostræ Strumentum protulerunt, etc.

Occurrit in variis Chartis apud Baldricum in Chron. Camerac. lib. 1. cap. 25. 27. Doubletum pag. 692. in Vita Aldrici Episc. Cenoman. pag. 33. 38. apud Baluz. tom. 2. Capitul. pag. 392. 405. 461. 469. etc. Mabillon. tom. 2. Annal. Bened. pag. 700. sæc. 4. Bened. part. 1. pag. 743. Marten. tom. 1. Ampl. Collect. col. 32. 52. 173. in Charta Alaman. Goldasti 31. etc.