SUBCONSERVATOR, Qui jura monasterii post abbatem conservat et tuetur, atque cum abbate judex sedet, idem qui Advocatus. Charta ann. 1394. apud Pez. tom. 6. Anecd. part. 3. pag. 97. col. 1 :

In quo quidem termino comparentibus coram eodem domino Wilhelmo abbate (S. Emmerammi) et Subconservatore in dicto suo monasterio ad jura reddenda pro tribunali sedente, etc.

Ibid. col. 2 :

Ex tunc dominus Wilhelmus abbas et Subconservator præfatus citatos non comparentes, nec dicto termino satisfacientes, quoad ad actum et terminum hujusmodi, reputavit, prout erant merito, exigente justitia, contumaces.

Pluries ibi.