SUBDITI, Glossarium mediae et infimae latinitatis, Du Cange et al.

« Subditi » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 627c. http://ducange.enc.sorbonne.fr/SUBDITI

SUBDITI, Vassalli, clientes, qui alterius juri ac potestati subsunt, quomodo Sujets nostri dicunt. Subjecti, in Capitulari ann. 807. cap. 4. Flodoardus lib. 4. cap. 23 :

Heribertus Anselmum, Bosonis Subditum, qui prædictum custodiebat castrum, cum ipso castello recipit.

Leges Henrici I. Reg. Angl. cap. 6 :

Si Episcopus a fide deviaverit, et Subditis secrete commonitus incorrigibiliter apparuerit, etc.

◊ Quærit Dionysius Salvagnius in Tract. de Jurib. Domin. et Usu Feudor. cap. 17. an domini feudales jure possint vassallos, vel certe prædiorum suorum incolas, Subjectos, aut Subditos, appellare, contenditque jam ab olim id in usu fuisse. Certe præter jam allatos locos probari etiam id potest ex Gregorio Turon. lib. 10. cap. 3. ex Capit. Caroli M. lib. 2. cap. 37. ex Capit. Dilecti 4. Extr. de Arbitr. Petro de Fontanis in Consilio cap. 1. § 2. cap. 2. § 2. ex Consuet. Pictavens. art. 132. Butelerio lib. 1. tit. 86. et aliis. Sed et Reges nostros recentiores hocce vocabulo indigitare passim Baronum et nobilium vassallos et subditos in Edictis suis constat.