SUPERBIA 1, Glossarium mediae et infimae latinitatis, Du Cange et al.

« 1 superbia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 660b. http://ducange.enc.sorbonne.fr/SUPERBIA1

1. SUPERBIA, Dolus. Pactus Legis Salicæ tit. 35. § 5 :

Si quis ligatum per Superbiam, aut per virtutem a Gravione tulerit, etc.

Est enim hoc loco Superbia, dolus, nostris Supercherie, ita ut opponatur virtuti, seu vi, uti redditur in Edit. Pith. tit. 34. Eadem Lex tit. 41. § 16 :

Si quis per Superbiam aut per inimicitiam, caballos aut jumenta aliena tribatterit.

Capitulare Pipini Regis Italiæ cap. 36 :

Et si fuerit aliquis, qui per ingenium fugitando de Comitatu ad alium Comitatum se propter istum sacramentum distulerit, aut per Superbiam jurare noluerint semoti, etc.

Lex Longob. lib. 1. tit. 16. § 5. Liutpr. 125. (6, 72.) :

Si quis dolose (edit. Heroldi malitiose) aut per Superbiam...... mulierem percutere præsumpserit, etc.

Adde lib. 2. tit. 36. § 3. Leges Henrici I. Regis Angl. cap. 43 :

Qui igitur facit advocatum contra dominum suum per Superbiam, perdat quod de eo tenet.