Supportare Aliquem, Protegere, favere, Galli dicimus eadem notione Supporter quelqu'un. Litteræ Joannis Comit. Armaniac. ann. 1356. inter Ordinat. Reg. Franc. tom. 3. pag. 105 :

Quod in loco patenti et eminentiori ville seu loci recipiantur dicte monstre, faciant venire palam et publice et de die clara, nulli defferendo, nec aliquem Supportando, vel odio, vel mala voluntate aliquem agravando.

Excerpta e Joanne a Bayono in Hist. Mediani Monast. pag. 289 :

Instat pars adversa. Papa autem Maherum Supportans, eum venientem dicebat.

Supportatio, Defensio, tuitio, protectio, Gallice Support. Charta ann. 1499. apud Madox Formul. Anglic. pag. 337 :

Concedimus eidem Duci (Eboracensi) defensionem et Supportationem libertatum, et franchesiarum, curiarum, jurium, etc.

Chronic. Joh. Whethamstedii pag. 382 :

Dignatur eadem vestra celsitudo,... in Supportationem primo vestri honoris regii, etc.

Supportare, Perferre, sustinere, nostris Supporter. Charta ann. 1369. inter Ordinat. Reg. Fr. tom. 5. pag. 284 :

Attentis etiam gravaminibus et molestiis, quas ipsi Consules et habitatores loci et honoris prædictorum, tam propter guerras Regum Francorum, quam aliter, diversimode sustinere et Supportare habuerunt, etc.

Supportatio, Subsidiorum impositorum suppeditatio. Charta Henrici IV. Reg. Angliæ ann. 1400. apud Rymer. tom. 8. pag. 122 :

Tam pro sustentatione dictorum prioris et monachorum, quam pro Supportatione aliorum onerum sibi incumbentium congrue, etc.

Charta ann. 1428. apud Madox Formul. Anglic. pag. 101 :

Deductis sumtibus in Supportationem onerum, expensarum ministrancium in divinis, etc.

Occurrit præterea in Bulla Pauli III. PP. ann. 1549. pro secularisat. Monast. Insulæ Barbaræ tom. 1. Macer. ejusd. pag. 264. Vide Supportus.