SURTA, Surterius. Constitut. Jacobi Reg. Siciliæ cap. 56 :

Statuimus insuper et mandamus quod nemini justitiariorum et aliorum officialium nostræ curiæ liceat...... de prædictorum armorum portationibus, ad relationem bajulorum, seu magistrorum Surtæ, ad quorum spectat officium scire, videre, etc.

Alia Frederici itidem Reg. Siciliæ cap. 17 :

Frequens clamor universitatum et locorum Siciliæ... aures regias circumstrepit quod occasione Surtæ per justitiarios, capitaneos, bajulos,... universitates ipsæ convertebantur ad prædam, unde...... sancimus, ut anno quolibet in principio mensis Septembris universitates locorum ipsorum nostri demanii, Surterios in competenti numero, prout eis videbitur ad nocturnam custodiam, si voluerint statuant, exclusis ab inde Straticoto, justitiariis, capitaneis, bajulis, magistris juratis aliisque singularibus personis, per quas in locis ipsis Surta et nocturnæ vigiliæ consueverant ordinari..... Pœnæ vero unius augustalis ab iis, qui post tertiam pulsationem campanæ, sine lumine per Surterios intercepti fuerint,....... nostræ curiæ reservata. Vigiles autem nocturni prædicti, qui uno anno vigilaverint, sequenti anno, nisi necessitas immineat, conquiescant.

Ubi obscurum non est per Surtam et Surterios significari Excubias excurrentes et nocturnas ipsosque vigiles, nostris Guet, Patrouille : at unde ducta sit vocis origo, minus scio.