SUSCIPERE, Glossarium mediae et infimae latinitatis, Du Cange et al.

« Suscipere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 681a. http://ducange.enc.sorbonne.fr/SUSCIPERE

SUSCIPERE, dicuntur Patrini, qui baptizandum ad fontem deducunt, et baptizatum de fonte excipiunt, et inde Susceptores appellati, Græcis ὑποδόχοι. Jesse Ambian. in libello de ordine baptismi cap. 1 :

Signent ipsos infantes in fontibus eorum Susceptores viri vel feminæ, id est, patrini vel matrinæ.

Gregorius M. lib. 4. Dialog. cap. 32 :

Quidami Curialis illic sacratissimo Paschali Sabbato juvenculam cujusdam filiam in baptismate Suscepit, etc.

Pœnitentiale Theodori c. 4 :

Viro licet feminam Suscipere in baptismo, similiter et feminæ virum Suscipere.

Acta S. Sebastiani Mart. num. 62 :

Quem cum baptizasset S. Polycarpus, ipse pater Susceptionis ejus est factus.

Vide Concilium Calchutense can. 11. Concilium Parisiense VI. can. 7. et Dissertationem 22. ad Joinvillam pag. 275. Vide Susceptores.

les Bénédictins de St. Maur, 1733–1736.

Suscipiens, Accusatus, reus, in Cod. Theod. lib. 11. tit. 39. leg. 12.