1. TALIA, Stria in vestimentis, seu rugæ pars eminens ac protuberans in longum deducta ad instar taliæ seu taleæ, quæ proprie significat arboris ramum ex utraque parte æqualiter præcisum, seu brevem baculum utrimque pariter crassum, quem etiam Græci σχίδαν, vel σχίζαν vocant. Tertullianus de Pallio c. 5 :

Nec artificem necesse est, qui pridie rugas (pallii) ab exordio formet, et inde deducat in Talias.

Vide Hofmannum.