TAPINOSIS, Tapinositas, Humilitas, ταπείνωσις : Stylus depressior, vel, ut habet Isidorus lib. 1. cap. 3 :

Humilitas, statum magnæ rei dictis infirmans ; ut

Apparent rari nantes in gurgite vasto.

Hinc Alexander de Villa Dei in Doctrinali :

Cum per verba rei magnæ summissio fiet,

Tunc Tapinosis erit, si dicas mare gurges.

Vita S. Eugendi Abb. in Prologo :

Hæc nostra Tapinosis, nequaquam jactantia superborum judicum ventosa superfluitate calcetur.

Quidam Codd. Tapinositas præferunt. Theodericus Monachus in Histor. Invention. S. Celsi Episc. Trevir. cap. 1 :

Nos autem per Tapinosim præcelsa fenestratim propalantes, etc.