TAPPUS, Epistomium, truncus ligneus, quo foramen dolii, per quod liquor infunditur, obturatur, Gall. Tampon, seu Tappon, Celtis etiam Tampon, Teuton. et Angl. Tap, Ital. Zaffo. Lambert. Ard. :

Et in medium proclamabat, quod tantus esset bibitor, quod si dominus sponsus ronchinum, vel equum quemlibet ei dare vellet, majus dolium, quod in cellario suo haberet cervisia plenissimum, dolii Tappo extracto, et foramini ore semel apposito, et usque evacuationem dolii non retracto, totum ebiberet, et etiam fæces exhauriret, parato sibi tantummodo loco exoptato, ubi per virilem virgam effutire, dum biberet, vel emittere posset urinam.

Infra :

Quo exhausto, prosiliens in medium scurra, et in signum jocularitatis, imo ingluviei, Tappum dolii evacuati gestans in ore, quem in pacto et bibendo lucrifecerat equum,.... exigere cœpit.