TARATANTARA, Taratantarizare. Ugutio et ex eo Joh. de Janua : Taratantara, indecl. nomen ficticium est, i. ex sono, quem facit dictum. Est enim instrumentum, quo farina colatur, et est instrumentum, cujus percussione granum defluit inter molas molendini. Unde quidam.

Ad festum Thomæ Taratantara filia tange.

Hinc Taratantarizare, farinam colare, setaciare. Gloss. Lat. Gall. : Tartazizare, (leg. Tarantarizare) Tromper ou naguairer, c'est joüer de nagaires. Aliud addit, ou sasser farine. Nostrum Sangerman. : Taratantizare, Tromper ou faire son noiseux, ou couler le farine. Introitus Francisci III. Ducis Britan. Rhedones ann. 1522. apud Lobinell. tom. 2. Hist. Britan. col. 1602 :

Horologiis et tympanis pulsantibus et Taratantariis sonantibus, etc.

Liber 2. Miraculor. S. Bertini cap. 4. de quodam mendico surdo et muto :...

Cum pulsatibus Taratarantium tabellarum stipem mendicaret

, i. quæ eumdem sonum edebant, quem Tarantatara, Taratantara. Idem Ugut. Cernida, dæ, a Cerno, is, lignum, supra quod ducitur Taratantara, et Cernida dicitur Taratantara discernit furfurem a polline. Glossar. Saxon. Ælfrici : Taratantara, hridder, i. cribrum. Gl. Lat. Gall. : Taratantarum, Clines ou le batoil du milieu, melius du moulin, in Sangerm. MSS. ou son de trompes. Aliud Gloss. Gall. MS. ex Bibl. Thuana Cod. 525 : Taratantorium, Saas. Aliud editum : Taratantara, æ, Sas à passer ou sasser la farine. Vocem hanc usurparunt veteres pro tubæ clangore : Ennius apud Priscian. lib. 8 :

At tuba terribili sonitu Taratantara dixit.

Quæ Virgilius sic expressit lib. 9 :

At tuba terribilem sonitum procul ære sonoro.