TARGA, Glossarium mediae et infimae latinitatis, Du Cange et al.

TARGA, Targica, Targia, Pelta : ex Arabico Tarka, et Darca, Clypeus, ex Bocharto ; vel Germanico Tarisch, Besoldo : vel denique ex Bohemorum Tarts, quibus ita dicuntur Scuta prælonga pene totam corporis inferioris partem tegentia, apud Irenicum lib. 4. German. exeg. cap. 26. Lexicon. Cambro-Britannicum : Tarjan, clypeus, scutum. Vide Grimm. Gramm. Germ. tom. 3. pag. 445.

les Bénédictins de St. Maur, 1733–1736.

◊ Aliunde vocem hanc post Menagium arcessit Carolus de Aquino in Lexico Militari, scilicet a tergo, vel potius a tergore, quoniam, inquit, e crudis coriis boum præcipue a tergo detractis, conflari solebant ; quod probat ex hoc Ammiani loco lib. 34 :

Obtecti scutis vimine firmissimo textis, et crudorum tergorum convestitis.

Tum adducit Virgilium de scuto hujus generis ita loquentem lib. 9 :

...... Quam nec duo taurea Terga,

Nec duplici squama lorica fidelis et auro

Sustinuit.

Targa. Nangius in Vita S. Ludovici pag. 345 :

Trifarie enim procedentes similitudinem exercitus prætendebant. Centum siquidem præibant cum balistis, in equis decentissime phaleratis, et centum cum testudinibus sive Targis in arrnis lucidis, et in equis loricali tunica coopertis, sequebantur.

Idem pag. 375 :

Telorum, sagittarum, et lapidum ictibus se cum Targis et clypeis opponentes, etc.

Monasticum Anglic. tom. 3. pag. 316 :

Cum Targis de armis Regum Angliæ et Hispaniæ.

Enumeratio munitionum Sommeriæ in Occitania ann. 1270 :

Item xx. albergons ; item x. Targe, etc.

Chronic. Anonymi Salern. apud Murator. tom. 2. part. 2. col. 233 :

Ille vero tantæ fortitudinis erat, ut Targa, quam in manu gestabat, amphitheatrum...... exsuperaret.

Metaphorice sumitur in Epistola Sanctimonialium Basileensium ad Urbanum II. PP. tom. 5. Annal. Benedict. pag. 654. col. 1 :

Vestra enim Targa nobis arma et scutum inexpugnabile debet esse.

Sic Franciscus Richardus Soc. J. librum edidit Paris. ann. 1658. hoc titulo decoratum :

Τάργα τὴς πίστεος τῆς Ρωμαϊϰῆς ἐϰϰλησίας εἰς τὴν διαφένδευσιν τὴς ὀρθοδοξίας.

Vide Glossar. mediæ Græc. in Τάργα.

Targea. Oliverius Scholasticus de Captione Damiatæ :

Hostes autem, dissimulato metu, tres ordines armatorum stationi navium nostrarum contra posuerunt : unam peditum super ripam cum clypeis, quos Targeas appellant, lineariter ordinatam, etc.

Literæ Edwardi III. Regis Angl. ann. 1328. apud Rymer. tom. 4. pag. 367 :

Centum et viginti Targeas armis nostris depictas, centum arcus balistos ad pedem, etc.

Targia. Thomas Walsinghamus pag. 105 :

Capti sunt.... Scutiferi in numero excessive, de quibus dominus Rogerus de Northburghe custos Targiæ Domini Regis, quæ ab eodem ibidem per Scotos est ablata, in captivitate ductus.

Matthæus Paris ann. 1219 :

Hostes vero fidei omni metu dissimulato, tres ordines armatorum stationi navium Christianorum opposuerunt : unam peditum super ripam fluminis cum Targiis eleganter ordinatam, etc.

Adde pag. 212. Epistolam ann. 1113. apud Marten. tom. 1. Ampl. Collect. col. 1114. Computus ann. 1202. apud D. Brussel tom. 2. de Feudor. usu pag. cxlii :

Pro asseribus ad Targias faciendas.

Hinc liquet Targias aliquando fuisse ligneas, quales erant Targiæ illæ majores, quas Itali Tavolaccios vocabant. Vide Tabolatius. Memoriale Potestatum Regiens. ad ann. 1218. apud Murator. tom. 8. col. 1092 :

Adduxerunt Targias et tabulas et ostia domorum, zapas, palleas et multos oneratos herbarum, quia volebant reimplere fossatum, etc.

Rursum occurrit in Recensione munitionum castri Carcasson. ann. 1294. in Computo ann. 1333. et seqq. tom. 2. Hist. Dalph. pag. 275. 285. etc.

les Bénédictins de St. Maur, 1733–1736.

Tarcia, Eadem notione. Radulphi Abb. Chr. Terræ S. apud Marten. tom. 5. Ampl. Collect. col. 569 :

Alia vero decem millia vel eo amplius bene armatos usque ad talum constituit sub scutis et Tarciis cum arcubus ad sagittandum, etc.

les Bénédictins de St. Maur, 1733–1736.

Targatus, Targa munitus, ab Italico Targare, Targa munire. Chronicon Petri Azarii apud Murator. tom. 16. col. 331 :

Nam infinitos balistis et scaramuciis et irruptionibus occiderunt ex Perusinis, quia portant longas Targas ; et ad bellandum ut plurimum sunt indiscreti : et vidi Contrum de la Specia, qui lx. et ultra ex Perusinis sic Targatis occidit cum balista.

P. Carpentier, 1766.

◊ Hinc nostri id omne, quo quis tegitur et defenditur, Targe appellarunt ; unde Targer iisdem, pro Tegere. Lit. remis. ann. 1373. in Reg. 204. Chartoph. reg. ch. 319 :

Icellui Cuiot qui estoit Targié d'un huis qu'il portoit sur ses espaules, et ledit Perrot chappellain, qui avoit mis audevant de lui une petite fille dudit suppliant de l'aage de huit ans, dont il faisoit Targe, afin qu'il ne les ferist.

Aliæ ann. 1379. in Reg. 116. ch. 127 :

L'exposant sacha son coustel pour soy défendre, dont il se Targa par pluseurs foiz et brisa pluseurs cops de coustel à lui gettez par Garin.

les Bénédictins de St. Maur, 1733–1736.

Targeta, Targa minor, in Inventario ann. 1379. e Schedis Cl. V. Lancelot.

P. Carpentier, 1766.

◊ Hist. Franc. Sfort. ad ann. 1461. apud Murator. tom. 21. Script. Ital. col. 725 :

Georgius Dalmata, qui a pelta, quam vulgo Targetam dicunt, cognominabatur, etc.

Occurrit præterea in Stat. Ferrar. ann. 1279. apud eumd. tom. 2. Antiq. Ital. med. ævi col. 487.

P. Carpentier, 1766.

Targueta, Eadem notione, in Instr. ann. 1488. ex Tabul. D. Venciæ.

les Bénédictins de St. Maur, 1733–1736.

Targhetta, vox Italica, pari intellectu.

Equites cum lanceis et Targhettis, in Chron. Petri Azarii jam laudato, col. 357. Hinc

les Bénédictins de St. Maur, 1733–1736.

Tarcheta, Eodem significatu. Ripalta in Annal. Placent. ad ann. 1443. apud eumd. Murator. tom. 20. col. 879 :

Magnæ exequiarum pompæ et funeralia facta fuere cum equis 24. vexillis 13. Tarchetis 10. ac etiam chimeris et armis.

les Bénédictins de St. Maur, 1733–1736.

Targonus, Major targa, Ital. Targone.

Habebant....... multos scutos seu Targonos Gibellinos

, in Chronico Bergomensi, apud Murator. tom. 16. col. 942.

P. Carpentier, 1766.

Targo, Major targa, Ital. Targone, nostris Tergon. Tract. MS. de Re milit. et mach. bellic. cap. 115 :

Pedites et equites habent fascinas sive flastea lignorum pro Targonibus et mantelletis.

MS. :

La Damoiselle qui seurvint,

Ce fut Relique de jeunesse,

Qui reçeut des coupz plus de vingt,

Sur un grand Tergon qu'elle tint.

Ibidem :

Et le Tergon pour soi garder,

S'appelloit Loyaument-amer.

◊ Varie autem vox Targe a nostris Scriptoribus usurpatur : interdum enim pro quovis clypeo, qui ad collum appendebatur. MS. :

A son col pend une Targe florie.

Guillelmus Guiart MS. :

Coutiaus, hachettes esmoluës,

Targes entieres et fendues.

Alibi :

Tante Targe à col pendue,

Peinte d'or, d'azur, et de sable.

Et ann. 1248 :

Les arbalestes ès poins prises,

Et les Targes au col assises.

Idem tamen majores et longiores clypeos fuisse satis innuit :

Les grants Targes au col assises.

Et ann. 1304 :

Ont leur haie ourdie et tissue

De fors Targes longues et lées.

Ita Le Roman de Garin, eorum potissimum fuisse usum, cum copiæ militares ad muros admoventur, quo iis toto corpore tegantur non semel indicat :

Totes les lices fet as serjans coper,

Les Targes fet as serjans amener.

Rursum :

Sor les fossez font les Targes tenir.

Matth. Paris ann. 1240 :

Oppositis corporibus suis propriis et amplis clypeis, qui Targiæ appellantur.

◊ Qui porro ex militibus prælonga ejusmodi scuta prætendebant, Targer dicebantur. Idem Guiartus :

Li unt Targent, li autre traient.

Cum igitur targiæ validiora atque adeo majora essent, quæ militem totum protegerent, recte testudines, appellavit loco citato Nangius, de quarum usu plene Vegetius et alii. Sed et inde Targer, vel Atarger, dicti, qui diutius morantur, quod qui targias deferebant, propter earum gravitatem ac pondus lente procederent. :

Au chastel vont, n'y volent plus Targier.

Alibi :

Cil de Bordele n'ont point de l'Atargier.

Idem Poëta :

En sa voie entre, ne se vot Atargier.

Lit. remiss. ann. 1412. in Reg. 166. Chartoph. reg. ch. 296 :

Icellui Rabuissel dist au suppliant que se il Tarjoit guaires, il le feroit pendre.

Ejusdem originis videtur Tarjement, Irrisio ex contemtu vel superbia, a verbo Tarjer, Deridere, ludificari, arroganter se gerere, nunc Targuer. Lit. remiss. ann. 1405. in Reg. 160. ch. 253 :

Lesquelx compaignons passerent pardevant iceulx freres par maniere de Tarjement et derision.... Hennequin Flayau meu de chaudecole pour l'injure que autreffoiz lui avoit esté faite, et que encores le venoit Tarjer ledit de la Montagne.

Hisp. Tartago, Molesta ludificatio. Vox Picardis etiamnum familiaris. Neque aliter

Targa accipienda, quam pro mora, in Foris Bigorrensibus art. 20 :

Pugiles in Bigorra non nisi indigenæ recipiantur. Qui pugnaverit, 20. solidos accipiet, pro Targa 12. nummos, pro præparatione 6.

Apud Artemidorum lib. 1. cap. 61 :

Τὸ ὅπλον, τὸ λεγόμενον, παρολϰὰς σημαίνει ;

ubi ὅπλον est scutum. Vide Orig. Linguar. Franc. et Ital. Menagii, et Oct. Ferrar.

P. Carpentier, 1766.

◊ Pro ensis specie Targe legitur apud Monstrel. vol. 3. fol. 59. r° :

Les autres gens avoient Targes et semitarges, qui sont espées de Turquie.

Lit. remiss. ann. 1451. in Reg. 181. Chartoph. reg. ch. 1 :

Le suppliant tira une Targe ou dague qu'il avoit, et en frappa icellui Seguin.

Targa, seu Targe, Moneta 2. denariorum Ducum Britanniæ in quodam Consilio de Monetis, Avis des monnoyes, quod in ea scutum insignium effictum esset, uti describitur apud Hautinum in libro de Monetis Francicis pag. 101. Edictum Francisci Ducis Britan. ann. 1459. pro reformatione monetarum, apud Lobinellum tom. 2. Hist. Britan. col. 1214 :

Grands blanes de la valeur de x. deniers de cours la peice.... tenant au cours.... vi. deniers de loy, et xiii. s. vi. den. de taille ; portans en caractere nostre propre nom et nos armes en Targe, et toute autre pareille façon que la monnoye des Targes que feu monseigneur et oncle le Duc Jehan fist ouvrer.

Ita etiam appellata Moneta quædam in Vasconia, cujus mentio est in Consuetudine Solensi tit. 36. art. 3. atque in Hispania, quam 4. quadrantum seu Maravedinorum pretii fuisse ait Jo. Mariana l. de Ponder. et mensur. cap. 22. Sebast. Cobarruvias in Tarja :

Cierta moneta Castellana, con mezela de plata, dicha essi por ventura del excudo a Tarjeta de sus armos.

P. Carpentier, 1766.

◊ Lit. remiss. ann. 1454. in Reg. 191. Chartoph. reg. ch. 91 :

Le suppliant print quatre grans blancs, appellez Targes. Targes, demy targes,

in aliis ann. 1474. ex Reg. 195. ch. 1165.