TARSICUS, Panni pretiosioris species. Visitatio Thesaurariæ S. Pauli Londinensis ann. 1295 :

Tunica et dalmatica de panno Indico Tarsico Besantato de auro,.... Tunica et dalmatica de quodam panno Tarsici coloris, tegulata,

f. regulata, Gall. Rayée

cum Besantiis et arboribus de aureo filo contextis

. Alibi :

Casula de panno Tarsico, Indici coloris, etc.

Ita autem appellatus, quod ex Regno Tharsiæ adveheretur, quod vicinum fuisse regnis Cathaii et Turquestani testantur Aithonus cap. 2. Sanutus lib. 3. part. 13. cap. 15. et vetus Geographia, quæ habetur in Gestis Dei per Francos tom. 2. pag. 285. Scriptores alii inferioris ævi Tarsos vulgo cum Tartaris confundunt, ut vetus Chronicon Flandriæ cap. 98. Oronvillæus cap. 76. et Froissart. 1. vol. cap. 28. 4. vol. cap. 74. Philippus Mouskes in sancto Ludovico :

Adont fu la nouviele esparse,

Que tout li Tarsien de Tarse

Furent isus de leur contrée,

Et orent Rousie gastée.