« »
 
TASSA 5, TASSUS 1, TASSUS 2.
[]« 5 tassa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 037c. http://ducange.enc.sorbonne.fr/TASSA5
5. TASSA, vel Tassus, Ornamenti genus, Vittarum strues seu nexus, ut videtur, Gallis Nœud de rubans, Clericis et Monachis prohibitum, in Concilio Senon. ann. 1346. tom. 5. Spicil. Acher. pag. 133 :
Utentes... capuciis, aut capellis super capita, vel Tassis, et corrigiis inhonestis, [] etc.
Nisi idem sit quod Tassellus. Vide in hac voce.
© École des chartes.
[]« 1 tassus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 038b. http://ducange.enc.sorbonne.fr/TASSUS1
1. TASSUS, Tassa. Cumulus, seu strues aristarum, vel fœni, Gallice Tas. Leges Macolmi II. Regis Scotiæ cap. 3. § 4 :
Blada de cumulis et Tassis fractis.
Matth. Paris ann. 1248 :
Dum quendam frumenti consertum aggerem, quem vulgariter Tassum appellamus, venalem æstimans consideraret, agger ille nutans et inordinate compositus, subito corruit super eum.
Tabular. Lewensis Prioratus :
Item omnes venient ad fœnum vertendum et colligendum sine corredio ; et ad portandum Tassum in curia cum corredio.
Chartularium SS. Trinitatis Cadom. fol. 28 :
Habemus... duos Tassos garbarum.
Polyptychus Fiscamn. ann. 1235 :
Et debet folare fena in Tasso.
Vide Thomam Madox in Formulari Anglicano pag. 359. et Nomolexicon Anglicanum Th. Blount in Tassum. Neque alia notione
Tassa, in Magno Custumario Monaster.[] de Bello, apud Spelmannum :
Et debet falcare, spargere, vertere, cumulare, cariare in manerium domini, et ad Tassam furcare unam acram prati de prato domini.
Id est a cumulum.
Tassare, In struem ordinare, messem, vel aristas, aut fœnum aggerere, Gallis Tasser, entasser, mettre en un tas. Fleta lib. 2. cap. 73. § 9 :
Foragium autem Tassari faciat et cooperire.
Adde cap. 82. § 1. Custumarium Monast. de Bello :
Et inveniet etiam per totum autumnum unum hominem ad Tassandum blada domini in dicto manerio, dum blada domini ibi Tassanda fuerint.
Charta ann. 1206 :
Inveniet etiam prædictus Joannes et hæredes sui sex homines de prædicto manerio de Preston ad levandum et Tassandum fœnum nostrum, etc.
Alia Charta Odonis Archiepisc. Rotomagensis ann. 1266 :
Costuma denarii et oboli, vendæ, servitia quadrigandi et Tassandi, bannum vini, etc.
Vetus Charta apud Somnerum in Tractatu de Gavelkind pag. 190 :
Item pro opere Tassandi in autumno 13. den. etc.
Charta alia ibidem, pag. 187 :
Relaxaverunt tenentibus suis de Rokinge, videlicet falcationem, levationem, cariagium, et Tassationem prati.
les Bénédictins de St. Maur, 1733–1736.
Thassare, Eodem intellectu.
Qui carectas non habuerunt, venient cum furcis suis ad dictum fœnum levandum et Thassandum,
apud Kennettum ad ann. 1292. Antiq. Ambrosd. pag. 320. Adde pag. 550.
Intassare, Eadem notione. Monastic. Anglicanum tom. 1. pag. 116 :
Ut ipse et hæredes sui, propriis operariis, et proprio custu, facient metere, et Intassare decimam dominii sui de Kynemersordo.
Vide Intassare suo loco.
Attassare, Idem quod Tassare. Charta Nivelonis Episcopi Suession. ann. 1190. in Tabulario Monasterii S. Crispini in Cavea :
Illud etiam sciendum est, quod trituratores decimæ partem suam foragii supra mensuram suam ante ostium Monasterii portabunt et Attassabunt : si vero trituratores decimæ foragium præfati Petri ad prædictam mensuram portare et Attassare noluerint, licebit eis flagella sine forisfacto capere et tenere, quousque eis satisfecerint.
© École des chartes.
[]« 2 tassus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 038c. http://ducange.enc.sorbonne.fr/TASSUS2
2. TASSUS, Animalis genus, Italis Tasso. Johannes de Bazano in Chronico Mutin. apud Murator. tom. 15. col. 606 :
Venit Mutinam quidam Franciscus de Castro Montagnæ cum quodam mirabili animali, quod appellabatur Tassi Barbarinum.
Quodnam fuerit postea describitur : locum consulat, qui plura voluerit. Vide Taxonus et Taxus.
P. Carpentier, 1766.
◊ Nostris Taisson, idem qui nunc Blaireau. Charta ann. 1247. in Chartul. S. Corn. Compend. fol. 97. v°. col. 2 :
Je devantdiz Robers..... reconnois que li prévoz de Rumigni...... puist penre en ce bos lievre ou counin, leu, renart et Taison.
Lit. remiss. ann. 1389. in Reg. 138. Chartoph. reg. ch. 104 :
Lesquelz se assemblerent par esbatement pour aler chacier aus Taissons de nuit.
© École des chartes.