« »
 
[]« Tegorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 044c. http://ducange.enc.sorbonne.fr/TEGORIUM
TEGORIUM, Locus seclusus ac superne tectus, a tegere, voce deducta : nisi idem sit quod Tugurium. Glossæ Antiquæ MSS. : Tegurium, casa a tegendo dicta. Glossæ Isidori et Pithœanæ : Gumma, Tegorium. Ubi pro gumma forte legendum calumma, ex Gr. ϰάλυμμα. Adamnanus lib. 1. de Locis sanctis cap. 2 :
In medio spatio hujus interioris rotundæ domus, rotundum inest in una eademque petra excisum Tegorium, in quo possunt ter terni homines stantes orare.
Al. Tegurium. Infra :
Hujus Tegorioli introitus ad Orientem respicit, etc.
Occurrit ibi pluries et cap. 3. 4.
Tegurium, Tigurium. Anastasius Biblioth. in S. Symmacho PP :
Hic fecit Basilicam S. Andreæ Apostoli apud B. Petrum Apostolum, ubi fecit Tigurium ex argento, et confessionem pens. lib. 120.
Infra :
Ubi et super altare Tigurium argenteum fecit.
Tygurium, ex Cod. MS. apud Murator. tom. 3. pag. 124. In Sergio PP. pag. 62. et 245 :
Hic fecit ambonem et Tegurium in basilica SS. Cosmæ et Damiani.
Mox :
Hic Tegurium basilicæ S. Susannæ, quod ante ligneum fuerat, ex marmore fecit.
Ita quidam Codd. ubi editus habet ciburium et ciborium, quod unum idemque sonat : nam tegimen, et [] umbraculum Ciborium appellat Ordo Romanus, quod altare tegat. Vita Aldrici Episc. Cenoman. num. 17 :
Fecit Tegurium, quod et ciborium nominatur, super altare, etc.
ubi perperam edit. Tugurium. Gloss. Lat. Græc. : Tegimentum, στέγασμα, ϰάλυμμα, σϰέπασμα. Atque hac notione eadem vox capienda in Capitul. 3. ann. 789. cap. 17 :
Ut super altaria Teguria fiant, vel laquearia.
Ubi quidam Codd. habent Tecuaria vel Tecuria. Vide Descriptionem nostram ædis Sophianæ, ubi de Ciborio, et supra Ciboriam. Meisterlinus in Hist. Rer. Noriberg. apud Ludewig. tom. 8. Reliq. MS. pag. 130 :
Mandataque dat omni consulatui, ut foro amplo, ubi erant domunculæ gazæ et Tiguriæ carnificum, pistorum, penaticorum, piscatorum, institorum et eorum, qui res suas sub hasta vendebant, omnino amoverentur.
P. Carpentier, 1766.
◊ Ejusdem originis nostratibus vox Soutecte, pro Toit, tectum Lit. remiss. ann. 1468. in Reg. 195. Chartoph. reg. ch. 192 :
Le suppliant mist la boeste de feurre toute alumée à la Soutecte de la maison, qui estoit de petite valeur, couverte de feurre, laquelle par ce moyen fut incontinent arse.
Hinc Soustectier et Soustoiter, Sub tecto habere, recipere, occultare. Charta Phil. VI. ann. 1348. in Reg. 78. ch. 11 :
Ottroions aux religieuses, abbesse et couvent du Montel lez Pons sainte Maixance..... que pour habergier et Soustectier leurs dites bestes et les pasteurs qui les gardent et garderont, elles puissent faire édifier, tenir et avoir perpétuelement en aucun lieu convenable de ladite forest de Halate une loge souffisant et convenable.
Lit. remiss. ann. 1365. in Reg. 98. ch. 285 :
Lequel Martin mist et Soustoita en sa maison plusieurs compaignons pour batre et villener les dessuz diz.
Aliæ ann. 1400. in Reg. 155. ch. 48 :
Lequel Jehan avoit leurs diz fardeaux logiez, hebergiez et soustoitiez en sa maison.
Unde Soubztoiteur, Qui hospitio recipit, in aliis Lit. ann. 1426. ex Reg. 173. ch. 544 :
Recepteurs et Soubztoiteurs de nos ennemis, etc.
© École des chartes.