TELIA, Modus agri, aut vineæ. Tabularium Prioratus de Paredo in Ducatu Burgundiæ fol. 9 :

Dedit Deo et huic loco campum unum, quem appellant unam Teliam in villa Deprise al Moncel, etc.

Fol. 13 :

Quidam homo nomine Galannus dedit Deo et huic loco in villa Volauro unam Teliam mediam, quæ est subtus Capella S. Sulpitii.

Fol. 25 :

Item terræ portionem... quam dicunt Teliam. Item aliam Teliam in medias combas, semita per medium eunte.

Fol. 53 :

In eadem villa duas Telias de terra, quæ sitæ sunt juxta 2. vias, etc.

Charta Prioratus Bellævallis in Comitatu Vaudanimontis ann. 1566 :

Item une Theille de prey au ban dudit Gelaucourt.

Passim ibi. Vide Rectitud. singul. person. ed. Leo pag. 57. et supra Celga.