TELUM, Glossarium mediae et infimae latinitatis, Du Cange et al.

« Telum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 048a. http://ducange.enc.sorbonne.fr/TELUM

TELUM pro eo omni, quod hominum saluti nocere potest. Capitularia Caroli M. lib. 7. cap. 262. 343. :

Hi, qui ædes aliquas villasque expoliaverint, effregerint, expugnaverint, si quidem id turba cum telis coacta fecerint, capite puniantur. Telorum autem appellatione, omnia, ex quibus saluti hominum noceri possit accipiuntur.

Vide Legem Bajwar. tit. 3, cap. 8. § 1. Caius in leg. Calvitur, D. de Verbor. signific. (fr. 233. § 2.) :

Telum vulgo quidem appellatur, quod ab arcu mittitur ; sed unum omne significatur quod manu mittitur.

Telum, Dolor lateris, in Gloss. Saxon. Ælfrici, sticwerc, stic-adl. Papias ex Isidoro lib. 4. Orig. cap. 6. :

Telum, lateris dolor, a medicis dictum, quod dolore corpus transverberet veluti gladius.

Serenus Sammonicus de Medicina cap. 21 :

Est et vis morbi, quod telum commemoratur,

Cum subito dolor insanus fuerit incitus ictu.

Vide ibi Gabriel. Humelberg. et vocem Ficta.

les Bénédictins de St. Maur, 1733–1736.

Telum Amicitiæ, Gallice Trait d'amitié, vel d'ami, Amice factum, si vera lectio est. Diploma Henrici Ducis Slesiæ ann. 1337. apud Ludewig. tom. 6. Reliq. MSS. pag. 8 :

Cum magnificus princeps dominus Joannes Boemiæ Rex ac Lucemburgensis Comes.... civitatem suam Glogoviam..... motus Telo sinceræ amicitiæ pro vitæ nostræ temporibus donaverit, etc.

Sed videtur legendum esse zelo sinceræ amicitiæ.